Tramp choča prapanavać Pucinu za spynieńnie vajny redkaziamielnyja minierały
Prezident ZŠA Donald Tramp choča prapanavać rasijskamu lidaru Uładzimiru Pucinu raspracoŭku redkaziamielnych minierałaŭ na Alascy i źniaćcie zabarony na pastaŭku zapčastak dla rasijskich samalotaŭ. Pra heta havorać krynicy vydańnia The Telegraph u brytanskim uradzie.
Jak śćviardžajuć krynicy, «takija stymuły mohuć być prymalnyja dla Jeŭropy», kali jany pry hetym «nie buduć uspryniatyja jak uznaharodžańnie dla Pucina».
Jak piša The Telegraph, Alaska maje značnyja zapasy pryrodnych resursaŭ, u tym liku 13% suśvietnych zapasaŭ nafty.
Akramia taho, Tramp nibyta moža abmiarkoŭvać z Pucinym umovy raspracoŭki redkaziamielnych i inšych karysnych vykapniaŭ na terytoryjach Ukrainy, jakija ciapier znachodziacca pad rasiejskaj akupacyjaj.
Pa słovach krynic, razhladajecca varyjant nadańnia Rasii doli ŭ raspracoŭcy ŭkrainskich radoviščaŭ lityja, hrafitu, tytana, urana i inšych stratehičnych materyjałaŭ. Pavodle acenak ekśpiertaŭ, Ukraina vałodaje kala 10% suśvietnych zapasaŭ lityja, adnak dva najbujniejšyja radoviščy hetaha minierała znachodziacca ŭ akupavanych Rasijaj rajonach.
Da padrychtoŭki sustrečy pryciahnuty siarod inšych ministr finansaŭ ZŠA Skot Biesient, jakomu daručana praanalizavać, jakija ekanamičnyja sastupki Rasii mohuć paskoryć padpisańnie pahadnieńnia ab spynieńni ahniu.
Tramp pahražaje Pucinu «surjoznymi nastupstvami», kali toj admovicca spynić vajnu paśla samitu na Alascy
U rasijskim MZS patłumačyli, ź jakoj pazicyjaj Pucin pajedzie na Alasku
ZŠA pracujuć nad miescam sustrečy Trampa, Pucina i Zialenskaha ŭ kancy nastupnaha tydnia
Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
Tramp: Kali b ja atrymaŭ Maskvu i Leninhrad u vyniku ŭhody z Rasijaj, ŚMI napisali b, što heta drennaja ździełka
Źnikłuju ŭ Mjanmie Vieru Kraŭcovu znajšli miortvaj5
Kamientary