Raniej 44-hadovuju minčanku sudzili za śmierć muža — jana naniesła jamu «ciažkija cialesnyja paškodžańni», ad jakich jon pamior. Ciapier novy prysud.
U toj dzień abvinavačanaja, pierapiŭšy, adpraviłasia na prahułku pa vuł. Kalinoŭskaha, jak raptam adčuła siabie drenna. Spahadlivy prachožy vyklikaŭ joj chutkuju dapamohu, raspaviadajuć «Minsk-Naviny».
U mašynie chutkaj žančyna pačała pavodzić siabie nieadekvatna — abražała miedykaŭ, jakija sprabavali akazać joj dapamohu, a zatym i ŭvohule ŭdaryła fielčarku nahoj u klučycu, z-za čaho ŭ toj zdaryŭsia pierałom.
Suprać žančyny zaviali kryminalnuju spravu za chulihanstva. Jaje dziejańni zafiksavali videarehistratary miedrabotnikaŭ. Vinu jana całkam pryznała, raskajałasia, kampiensavała paciarpiełaj maralnuju škodu.
— Abvinavačanaja pracuje buchhałtaram u pryvatnaj kampanii, raniej pryciahvałasia da kryminalnaj adkaznaści za naŭmysnaje pryčynieńnie ciažkaha cialesnaha paškodžańnia mužu, jaki ad atrymanych traŭm pamior, — prakamientavała staršy pamočnik prakurora Pieršamajskaha rajona Julija Łuhaŭskaja, jakaja vystupała pa hetaj kryminalnaj spravie dziaržaŭnym abvinavaŭcam.
Sud pryznaŭ žančynu vinavataj i
pryznačyŭ joj dva hady abmiežavańnia voli biez nakiravańnia ŭ papraŭčuju ŭstanovu adkrytaha typu. Prymianiŭšy zakon ab amnistyi, sud častkova vyzvaliŭ jaje ad pakarańnia na termin 1 hod.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary
Paralelna robić bałans BiełTransPamTram