Ministerstva justycyi Rasii pryznała «zamiežnym ahientam» praŭładnaha palitołaha Siarhieja Markava. Jon viadomy jak pastajanny ŭdzielnik prapahandysckich tok-šou, jakija pakazvajucca na rasijskich fiederalnych telekanałach i radyjo, piša Ruskaja słužba «Radyjo Svaboda»
Možna mierkavać, što ŭ niamiłaść Markaŭ moh trapić z-za taho, što niapravilna saryjentavaŭsia ŭ adnosinach pamiž Rasijaj i Azierbajdžanam, jakija apošnim časam značna pahoršylisia.
Sioleta ŭ lipieni Siarhiej Markaŭ udzielničaŭ u Šušynskim hłabalnym miedyjaforumie ŭ Azierbajdžanie i vykazaŭ stanoŭčuju acenku prezidentu krainy Ilchamu Alijevu. Markaŭ adznačyŭ, što adnosiny pamiž Baku i Maskvoj časam składanyja, ale heta — časovaja situacyja.
Pierad forumam u hutarcy z azierbajdžanskimi žurnalistami jon nazvaŭ Alijeva «vydatnym intelektuałam» i adnym z «najlepšych lidaraŭ sučasnaha śvietu». Taksama palitołah uzhadaŭ, što Azierbajdžan viarnuŭ pad svoj kantrol terytoryju Nahornaha Karabacha.
Paśla hetych vykazvańniaŭ Markova pačali vostra krytykavać rasijskija praŭładnyja błohiery. Naprykład, Juryj Padalaka zajaviŭ, što Markaŭ «pachavaŭ siabie jak palitołaha», a Alaksandr Koc adznačyŭ, što ŭ intervju jon vykarystoŭvaŭ vyklučna azierbajdžanskija naratyvy, jakich «niešta nie sustrenieš» u rasijskich ŚMI.
Sam Markaŭ prakamientavaŭ svajo ŭklučeńnie ŭ śpis zamiežnych ahientaŭ, nazvaŭšy jaho «paklopam»:
«Ja nie zamiežny ahient. I ŭsio heta dobra viedajuć. Ja ŭsie 25 hadoŭ padtrymlivaŭ i padtrymlivaju palityku Uładzimira Pucina. I znachodžusia pad sankcyjami Kanady.
Atakaj na mianie zajmajucca vorahi Rasii i vorahi palityki Uładzimira Pucina. Jany albo ŭ budučyni pakažuć siabie jak zdradniki, abo buduć zvolnienyja jak karupcyjaniery».
Źniali z pasady namieśnika hiendyrektara TASS, jaki braŭ intervju ŭ Łukašenki
Alijeŭ znoŭ rezka prajšoŭsia pa Rasii za źbity samalot: My patrabujem čałaviečych pavodzin
Azierbajdžan rychtuje adkaz na ŭdary Rasii pa azierbajdžanskich naftahazavych abjektach va Ukrainie
Rośsija nanosit udary po azierbajdžanskim nieftiehazovym objektam v Ukrainie
Čamu Łukašenka nie Alijeŭ
Alijeŭ paraiŭ Ukrainie nie zhadžacca na akupacyju. Z-kanały zaklikajuć rychtavacca da vajny z Azierbajdžanam
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary