Padkazka papularnaj niejrasietki Gemini spažyvaje stolki ž enierhii, kolki 9 siekund televizara
A što nakont ChatGPT i standartnaha pošukavika?
Zapusk adnoj padkazki ŭ čat-botie štučnaha intelektu Gemini ad Google patrabuje prykładna stolki ž enierhii, kolki 9 siekund prahladu televizara, havorycca ŭ novym techničnym dakumiencie, piša Euronews.
Pa danych Google, tekstavaja padkazka praz Gemini spažyvaje kala 0,24 vat-hadziny enierhii. Enierhija, jakaja vydatkoŭvajecca pry vykarystańni ŠI, składaje kala 0,03 hrama vuhlakisłaha hazu.
Čat-bot taksama spažyvaje 0,26 mililitraŭ vady, heta značyć prykładna piać kropiel vady za adzin zvarot.
Kampanija vymiarała nie tolki enierha– i vodaspažyvańnie asobnych padkazak, ale i ŠI-abstalavańnia ŭ centrach apracoŭki danych, mahutnaść čypaŭ, na jakich pracuje madel ŠI, i vadu, jakuju vykarystoŭvajuć centry apracoŭki danych dla astudžeńnia abstalavańnia.
U adnym z daśledavańniaŭ, praviedzienym niekamiercyjnym Instytutam daśledavańnia elektraenierhietyki, było padličana, što zapyt, vydadzieny ChatGPT, spažyvaje 2,9 vat-hadziny enierhii, u toj čas jak tradycyjny pošuk vykarystoŭvaje kala 0,3 vat-hadziny.
Pa prahnozach Mižnarodnaha enierhietyčnaha ahienctva, u bližejšyja piać hadoŭ popyt na enierhiju padvoicca i dasiahnie 945 teravat-hadzin u hod — heta ŭsio spažyvańnie elektraenierhii ŭ Japonii.
Pavodle apošniaj ekałahičnaj spravazdačy, vykidy Google taksama rastuć — na 51 pracent z 2019 hoda. U asnoŭnym heta źviazana z vykidami, vyklikanymi vytvorčaściu i zborkaj abstalavańnia, nieabchodnaha dla ŠI, dalej pa łancužku pastavak.
Google śćviardžaje, što madeli štučnaha intelektu taksama stanoviacca ŭsio bolš efiektyŭnymi: sa žniŭnia 2024 hoda spažyvańnie enierhii i vuhlarodny śled u raźliku na adnu apieracyju źnizilisia ŭ 33 razy i 44 razy.
Adnym ź niedachopaŭ daśledavańnia źjaŭlajecca toje, što jano nie raskryvaje ahulnuju kolkaść zapytaŭ, jakija Gemini atrymlivaje kožny dzień, što dazvoliła b lepš vyznačyć ahulny ŭzrovień enierhaspažyvańnia Gemini.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ21
Kamientary