Finansavańnie Starlink dla Ukrainy nie spyniać: u Polščy prajaśnili situacyju
Kiraŭnik kancylaryi prezidenta Polščy patłumačyŭ, što Starlink finansujecca na padstavie pałažeńniaŭ dziejučaha zakona, a prajekt, padadzieny ŭ Siejm prezidentam, zachoŭvaje raniejšy stan rečaŭ, piša UNIAN.
Vieta prezidenta Polščy Karala Naŭrockaha na zakon ab dapamozie ŭkraincam nie spynić finansavańnie Starlink dla Ukrainy. Pra heta zajaviŭ kiraŭnik kancylaryi prezidenta Polščy Źbihnieŭ Bahucki ŭ dopisie ŭ X.
«Vieta prezidenta Naŭrockaha nie adklučyć internet Starlink va Ukrainie, bo vydatki na hetaje złučeńnie finansujucca na padstavie pałažeńniaŭ dziejnaha zakona, a zakonaprajekt, padadzieny ŭ Siejm prezidentam Respubliki Polšča, zachoŭvaje hety status-kvo. Usio, što treba — kab hetaja prezidenckaja inicyjatyva była chutka razhledžana polskim parłamientam u vieraśni», — padkreśliŭ jon.
Bahucki dadaŭ, što toje ž samaje datyčycca padtrymki zachavańnia danych ukrainskaha ŭrada ŭ biaśpiečnym miescy. Jon taksama raskrytykavaŭ ministra ličbavizacyi Polščy Kšyštafa Haŭkoŭskaha za zajavu pra spynieńnie finansavańnia Starlink, padkreśliŭšy, što toj pavinien byŭ by zmahacca z manipulacyjami i dezinfarmacyjaj u sietcy, a nie stvarać ich.
«Pierafrazoŭvajučy vaš dopis, možna skazać: ja nie mahu ŭjavić najlepšaha padarunku dla Pucina, čym udzieł u rasijskaj dezynfarmacyi z metaj raspalić varožaść pamiž palakami i ŭkraincami… Kali b nie vaš post, rasijskaja mašyna iłžyvaj prapahandy i dezinfarmacyi ŭ hetaj halinie nie była b zapuščana», — padkreśliŭ jon.
Raniej prezident Polščy Karal Naŭrocki nakłaŭ vieta na zakon ab dapamozie ŭkraincam, jakija pražyvajuć u hetaj krainie. Pavodle jaho słoŭ, vypłaty pa prahramie «800 plus» pavinny atrymlivać tolki tyja ŭkraincy, jakija biaruć na siabie abaviazacielstvy pracavać u Polščy.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary
Nakolki zrazumieŭ ź niapoŭnaj infarmacyi, kali ŭ vieraśni nie razhledziać, to z 1 kastryčnika finansavańnie Starlink usio ž prypynicca.