Zamiest dvuch sutak — 8-9 hadzin. Što čakaje pasažyraŭ aŭtobusaŭ na miežach ź Jeŭrasajuzam
Servis prodažu kvitkoŭ Atlas raskazaŭ u svaim telehram-kanale, jakaja ciapier situacyja na miežach Biełarusi z krainami Jeŭrasajuza pry pierasiačeńni ich aŭtobusami. Jana palepšyłasia ŭ paraŭnańni z tym, što było raniej, ale zusim dobraj jaje ŭsio ž taki taksama nie nazavieš.
Polšča
Na minułym tydni na miažy ŭ Breście situacyja była krytyčnaja: kiroŭcy aŭto stajali ŭ čarzie pa niekalki dzion, a aŭtobusy — bolš za 150 u čarzie — čakali pa dvoje sutak.
Ciapier situacyja palepšyłasia: u čarzie kala 20 aŭtobusaŭ, i mnohija ź ich naŭmysna nie śpiašajucca, pakul dabirajuć pasažyraŭ. U vyniku siaredni čas čakańnia skaraciŭsia da 8—9 hadzin. Raskład zbojaŭ amal nie maje, tamu pajezdki možna płanavać bolš pradkazalna.
Litva
Na litoŭskim kirunku surjoznych čarhaŭ niama, aŭtobusy iduć pa raskładzie. Ale kolkaść rejsaŭ u žniŭni pamienšyłasia, asabliva ź Minska ŭ Vilniu. Niekatoryja pieravozčyki admianili častku pajezdak. Pry hetym źjaŭlajucca i novyja maršruty: z 1 vieraśnia adkryvajecca rejs z Hrodna ŭ Vilniu (vyjezd u 03:00, prybyćcio ŭ 08:25; zvarotny rejs — u 18:25).
Košt kvitkoŭ
Na polskim napramku prablem z kvitkami niama, ceny zastalisia raniejšymi.
Na Vilniu popyt značna vyras, tamu bilety raskuplajucca za 2 tydni napierad. U zvarotnym napramku (asabliva z Hrodna i Lidy) bilety dastać praściej.
U siecivie źjavilisia čutki, što ceny padskočyli da 600 rubloŭ zamiest zvykłych 180—200. Ale heta tłumačycca tolki tym, što niekatoryja ludzi kuplali kvitki praz pasiarednickija servisy z dadatkovymi zborami.
«Źjeździli za dzień 8 razoŭ». Što robicca na polskaj miažy, dzie pradavali vyjezd biez čarhi
Što adbyvajecca z kvitkami na aŭtobusy ź Minska ŭ Vilniu paśla masavaj admieny rejsaŭ? Heta niešta nienarmalnaje
Aŭtobusam chutčej, ale pastajać daviadziecca. U servisie prodažu kvitkoŭ raskazali pra situacyju na miežach ź ES
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary