Były handbalist Rutenka raskazaŭ, jak katajecca pa Jeŭropie niahledziačy na sankcyi
Były słavuty handbalist, a ciapier kiraŭnik Biełaruskaj tenisnaj fiederacyi Siarhiej Rutenka daŭ intervju haziecie «Priessboł», u jakim siarod inšaha zhadaŭ pra toje, što ŭniesieny Polščaj u sankcyjnyja śpisy, ale heta nie zaminaje jamu jeździć pa Jeŭropie.
Pavodle słoŭ Rutenki, abychodzić sankcyi jamu dazvalaje najaŭnaść adrazu dvuch pašpartoŭ hramadzianina Jeŭrasajuza — słavienskaha i ispanskaha:
«Palaki ž nakłali na mianie piersanalnyja sankcyi, i była śmiešnaja situacyja. Pierasiakaŭ miažu ź Litvoj, pamiežniki adreahavali davoli emacyjna, a zatym padyšoŭ načalnik źmieny i skazaŭ: «Palaki — dziŭnyja ludzi. Navošta jany ŭklučyli vas u sankcyjny śpis? Bo my nie možam vas nie prapuścić ź jeŭrapiejskimi pašpartami». Tak što ja mahu pierasoŭvacca, choć heta zaŭsiody źviazana z peŭnymi pytańniami».
Pryčyny ž taho, čamu jon u svoj čas pamianiaŭ žyćcio ŭ Jeŭropie na biełaruskaje — prychilnaść da «tradycyjnych kaštoŭnaściaŭ». Choć navat žonka jaho spačatku ad hetaha kroku adhavorvała:
«Jana spačatku dumała jak dziaŭčynka, sprabavała rastłumačyć mnie svajo mierkavańnie. Ale ja skazaŭ, što biez varyjantaŭ.
Abhruntavaŭ heta nie tolki svajoj ciahaj na radzimu, ale i tym, što adbyvałasia, adbyvajecca i budzie adbyvacca ŭ toj ža Barsiełonie. Pieršyja zvanočki my bačyli, kali dačka pajšła ŭ sadok u dva hady, i tam pačalisia razmovy pra hiendernuju roŭnaść i ŭsio astatniaje. I ŭ płanie biaśpieki situacyja paharšałasia.
A ciapier, kali jeździm u Ispaniju da siabroŭ abo pa niejkaj nieabchodnaści, žonka kaža: dziakuj bohu, što ty mianie nie pasłuchaŭ i nastajaŭ na viartańni dadomu. Niejkija rečy mnie byli ŭžo tady zrazumiełyja, a pakolki žonka ŭsio ž taki znachodzicca «za mužam», my viarnulisia ŭ Minsk. Hladžu nazad, liču, što zrabili pravilna».
Valeryj Piaŭnicki zvolnieny z pasady hałoŭnaha treniera žanočaj zbornaj Biełarusi pa handbole. Niadaŭna jon pazityŭna vykazaŭsia pra ŁHBT
Trenier žanočaj zbornaj Biełarusi pa handbole: U mianie ŭ kožnaj kamandzie byli leśbijanki. Zamiłoŭvajuć sproby heta rehulavać
«Nie zrazumieŭ, za što Mirny vybačaŭsia». Intervju ź lehiendarnym biełaruskim tenisistam Uładzimiram Vałčkovym
Dźmitryj Baskaŭ pierastaŭ być členam vykankama NAK
Kamientary
Jaki ŭvohule prykoł, kali žančyna jakaja pobač z taboj nia roŭnaja tabie? Prykoł u jaje prynižeńni? Nu, i ŭsie. I bolej nia ŭ čym.
Moža ŭ mianie z žonkaj nie idealnyja adnosiny jak muža i žonki (bo Satan toj jašče raa***s). Ale 100% dobryja jak siabra. I jany takimi zastanucca na ŭsie žyćcio. Bo jana mocnaja i roŭnaja. A tyja, jakija sami prynižajucca i h.d... fiejeie, takija mianie ŭvohule nia cikaviać