Archieołahi nazvali novuju datu zasnavańnia Mienska — 997 hod. Pra heta BiełTA raskazaŭ zahadčyk adździeła archieałohii Siaredniaviečča i Novaha času Instytuta historyi Nacyjanalnaj akademii navuk Andrej Vajciachovič. Da hetaha času aficyjnaj dataj zasnavańnia stalicy Biełarusi ličycca 1067 hod.
«Samaje hałoŭnaje — my dakazali, što hetaje miesca źjaŭlajecca paŭnavartasnym horadam, roskvit jakoha prypadaje na XI stahodździe. Heta byŭ davoli bujny horad dla XI stahodździa z kłasičnaj płaniroŭkaj — dziadziniec, umacavany vakolny horad, čatyry nieŭmacavanyja pasady. U vyniku maštabnaj prarezki vała my vyvučyli ŭsiu sistemu haradskich umacavańniaŭ. Hetyja draŭlanyja ŭmacavańni, jakija dasiahali ŭ vyšyniu 7 m, zachavalisia ŭ vyhladzie zrubnych padmurkaŭ vyšynioj da 2 m. My poŭnaściu daśledavali ŭsiu kanstrukcyju ściany i jaje dalejšy los.
I dziakujučy dendrachranałahičnamu analizu atrymali dakładnuju datu, kali hetaja ściana pačała ŭzvodzicca. Heta byŭ 997 hod. Pačali siačy duby, zvozić i budavać hetuju ścianu. Hety hod možna ličyć dataj zasnavańnia horada. Horad hety, biezumoŭna, źjaŭlajecca letapisnym Mienskam na race Mienka», — padkreśliŭ navukoviec.
Siarod znojdzienych materyjałaŭ XI stahodździa — posud, maniety, upryhožańni, zbroja, pryłady — usio heta charakterna dla haradskoj kultury taho pieryjadu.
«Znachodki śviedčać pra raźvićcio mnostva ramiostvaŭ, u pryvatnaści juvielirnaha. U hetym hodzie dastatkova šmat znojdziena było frahmientaŭ apracavanaha słancu, ź jakoha vyrablalisia praśnicy, žorny. Archieołahi miarkujuć, što pablizu była majsternia», — raskazaŭ Andrej Vajciachovič.
Ciapier čytajuć
Zatrymali adnaho z udzielnikaŭ juvielirnaha brenda Belaruskicry Jahora Bužyłava. Prapahandysty pakazali jaho2
Kamientary
Pa-druhoje, heta byŭ asobny horad, što isnavaŭ adnačasova ź inšym pasieliščam, i jakoje paźniej "pierachapiła" nazvu "Miensk" (jak najbolš staražytnuju j adpaviedna lepš, šyrej i dalej, viadomuju) i praciahnuła svaju historyju ŭ hetaj naźvie da našych časoŭ.
V tie vriemiena horoda nie vyrastali kak hriby za 10-20 let.
archieołohija možiet opriedielať vozrast i priblizitielnyj raźmier posielenija v kakoj-to jeho pieriod, no nie dajet otvieta ob jeho osnovanii.