Inicyjatyva Maldzis vykupiła «Vialikaje mastactva artyleryi» Kazimira Siemianoviča
Inicyjatyva Maldzis vykupiła frankamoŭnaje vydańnie «Vialikaje majsterstva artyleryi, častka pieršaja» («Artis Magnae Artilleriae pars prima») Kazimira Siemianoviča, nadrukavanaje ŭ Amsterdamie ŭ 1651-ym hodzie. Hetaja praca, napisanaja rukoju biełarusa, — pomnik navukovaj i vajskova-techničnaj litaratury suśvietnaha značeńnia, paviedamlajecca na sajcie inicyjatyvy.
Upieršyniu kniha «Vialikaje majsterstva artyleryi, častka pieršaja» vyjšła ŭ śviet u Amsterdamie ŭ znakamitym vydaviectvie Jana Jansana (Johannes Janssonius) u 1650-ym hodzie na łacinskaj movie.
Upieršyniu kniha «Vialikaje majsterstva artyleryi, častka pieršaja» vyjšła ŭ śviet u Amsterdamie ŭ znakamitym vydaviectvie Jana Jansana (Johannes Janssonius) u 1650-ym hodzie na łacinskaj movie.
Asablivaściu nabytaha staradruka źjaŭlajecca pradmova, napisanaja Kazimiram Siemianovičam mienavita dla frankamoŭnaha vydańnia. Heta apošniaje dakumientalnaje śviedčańnie žyćcia našaha słavutaha suajčyńnika — Siemianovič pamior u 1651-ym hodzie ŭ niavyśvietlenych dahetul abstavinach.
«Kniha pisałasia jak padručnik dla artylerystaŭ i piratechnikaŭ i zdabyła słavu samaj hruntoŭnaj i aŭtarytetnaj pracy ŭ svajoj halinie ŭ Jeŭropie. Niahledziačy na zachapleńnie artyleryjaj i rakietami, Kazimir Siemianovič prytrymlivaŭsia humanistyčnaha śvietapohladu: ličyŭ vojny najvialikšym niaščaściem dla čałaviectva», — kaža kiraŭnik inicyjatyvy Pavieł Macukievič,.
Kniha była nabytaja na aŭkcyjonie na srodki biełaruskich achviaradaŭcaŭ: Paŭła Danejki, Ivana Šyły i miecenataŭ, jakija pažadali zastacca niepubličnymi.
U budučyni kniha budzie pieradadzienaja ŭ Viciebski abłasny krajaznaŭčy muziej u jakaści hramadskaha padarunka. Da viartańnia ŭ Biełaruś jana budzie vystaŭlacca padčas admysłovych mierapryjemstvaŭ za miažoj. Staradruk možna budzie pabačyć na Fiestyvali Maldzisa, jaki projdzie 7-ha vieraśnia ŭ Varšavie.
«Kazimira Siemianoviča možna adnieści da samych erudavanych ludziej svajho času. Heta zorka pieršaj vieličyni na niebaschile biełaruskaj nacyjanalnaj navuki. Jahonyja daśledavańni i čarciažy, nadrukavanyja ŭ «Vialikim majsterstvie artyleryi», šmat u čym apiaredzili čas na stahodździ. Jany lahli ŭ asnovu sučasnaha kaśmičnaha rakietabudavańnia i ŭ čymści zastajucca aktualnymi navat da siońnia», — kaža apiakun inicyjatyvy Ryhor Astapienia.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
I pamiataju z padručnika pa Historyi Biełarusi, što bambardy ŭ vojsku VKŁ byli z CHIV stahodździa. A praca Siemianoviča nastolki "apiaredziła čas", što vyjšła ŭžo paśla poŭnaha źniknieńnia zamkavaha budaŭnictva ŭ Jeŭropie... Nadychodu Novaha Času. Vidavočna kali b nie jaho praca, to my dahetul abaranialisia b u fartecyjach (nie).
Ja razumieju, što chočacca pachvalicca, ale možna było i bolš ścipła napisać.
[Zredahavana]