Pakistan paabiacaŭ adpraŭlać u Biełaruś tolki «najlepšych śpiecyjalistaŭ paśla pilnaj pravierki». Pra heta zajaviŭ ministr unutranych spraŭ Pakistana Machsin Nakvi padčas sustrečy z kiraŭnikom biełaruskaha MUS Ivanam Kubrakovym u Isłamabadzie 27 žniŭnia, piša Reform.news.
Padčas vizitu Kubrakova ŭ Pakistan pradstaŭniki dźviuch krain damovilisia ab uzmacnieńni supracoŭnictva ŭ śfierach baraćby z teraryzmam i narkotykami, biaśpieki miežaŭ i padrychtoŭki palicejskich.
Byli padpisanyja pahadnieńnie ab ekstradycyi, pratakoł jaho realizacyi i miemarandumy ab abmienie kadrami. Akramia taho, byli dasiahnutyja damoŭlenaści ab padpisańni miemarandumu ab pašyreńni supracoŭnictva ŭ baraćbie z narkotykami.
Kubrakoŭ adznačyŭ zacikaŭlenaść Biełarusi ŭ pašyreńni dvuchbakovaha supracoŭnictva i zaprasiŭ pakistanskaha kalehu ŭ Minsk, padkreśliŭšy vopyt Biełarusi ŭ padrychtoŭcy palicejskich kadraŭ. Delehacyja taksama naviedała Nacyjanalnaje ŭpraŭleńnie Pakistana pa bazach danych i rehistracyi.
Machsin Nakvi taksama zhadaŭ pra padpisańnie miemarandumu ab pracaŭładkavańni pamiž uradam Biełarusi i Ministerstvam pa spravach pakistancaŭ za miažoj, dziakujučy jakomu tysiačy pakistanskich rabočych majuć atrymać pracu ŭ Biełarusi.
«My zabiaśpiečym adpraŭku tolki najlepšych kadraŭ paśla starannaj pravierki», — zajaviŭ kiraŭnik pakistanskaha MUS.
U krasaviku hetaha hoda padčas vizitu ŭ Biełaruś premjer-ministra Pakistana Šachbaza Šaryfa Alaksandr Łukašenka zajaviŭ, što hatovy pryniać u krainie da 150 tysiač pakistanskich pracoŭnych mihrantaŭ i što baki damovilisia pra miechanizm ich pryjezdu dla pracy ŭ Biełarusi.
Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy
Navošta Łukašenku spatrebilisia 150 tysiač pakistancaŭ?
Što značyć pryjezd 150 tysiač mihrantaŭ z Pakistana ŭ Biełaruś: pohlad Ihara Tura
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
U situacyi z pakistancami ŭłady stali zakładnikami svajoj ža prapahandy i svaich ideałahiem
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
Kamientar zapisaŭ kali b maderatary čarhovy raz nadumali nie apublikavać abo vydalić.
krasnojkrasno-zielonoj poroda.