Пакістан паабяцаў адпраўляць у Беларусь толькі «найлепшых спецыялістаў пасля пільнай праверкі». Пра гэта заявіў міністр унутраных спраў Пакістана Махсін Накві падчас сустрэчы з кіраўніком беларускага МУС Іванам Кубраковым у Ісламабадзе 27 жніўня, піша Reform.news.
Падчас візіту Кубракова ў Пакістан прадстаўнікі дзвюх краін дамовіліся аб узмацненні супрацоўніцтва ў сферах барацьбы з тэрарызмам і наркотыкамі, бяспекі межаў і падрыхтоўкі паліцэйскіх.
Былі падпісаныя пагадненне аб экстрадыцыі, пратакол яго рэалізацыі і мемарандумы аб абмене кадрамі. Акрамя таго, былі дасягнутыя дамоўленасці аб падпісанні мемарандуму аб пашырэнні супрацоўніцтва ў барацьбе з наркотыкамі.
Кубракоў адзначыў зацікаўленасць Беларусі ў пашырэнні двухбаковага супрацоўніцтва і запрасіў пакістанскага калегу ў Мінск, падкрэсліўшы вопыт Беларусі ў падрыхтоўцы паліцэйскіх кадраў. Дэлегацыя таксама наведала Нацыянальнае ўпраўленне Пакістана па базах даных і рэгістрацыі.
Махсін Накві таксама згадаў пра падпісанне мемарандуму аб працаўладкаванні паміж урадам Беларусі і Міністэрствам па справах пакістанцаў за мяжой, дзякуючы якому тысячы пакістанскіх рабочых маюць атрымаць працу ў Беларусі.
«Мы забяспечым адпраўку толькі найлепшых кадраў пасля стараннай праверкі», — заявіў кіраўнік пакістанскага МУС.
У красавіку гэтага года падчас візіту ў Беларусь прэм’ер-міністра Пакістана Шахбаза Шарыфа Аляксандр Лукашэнка заявіў, што гатовы прыняць у краіне да 150 тысяч пакістанскіх працоўных мігрантаў і што бакі дамовіліся пра механізм іх прыезду для працы ў Беларусі.
Лукашэнка: Мы хочам з Пакістана спецыялістаў, а не проста моладзь. І найперш у Баранавічы
Навошта Лукашэнку спатрэбіліся 150 тысяч пакістанцаў?
Што значыць прыезд 150 тысяч мігрантаў з Пакістана ў Беларусь: погляд Ігара Тура
«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»
У сітуацыі з пакістанцамі ўлады сталі закладнікамі сваёй жа прапаганды і сваіх ідэалагем
Каментары
Каментар запісаў калі б мадэратары чарговы раз надумалі не апублікаваць або выдаліць.
краснойкрасно-зелёной порода.