Pamior biełaruski paet, były šmathadovy dyrektar vydaviectva «Biełaruskaja encykłapiedyja» imia Pietrusia Broŭki Hienadź Paškoŭ. Jamu było 77 hadoŭ.
Hienadź Paškoŭ naradziŭsia 23 sakavika 1948 hoda ŭ vioscy Małyja Lipavičy Čašnickaha rajona. Vučyŭsia na fakultecie žurnalistyki BDU.
Pracavaŭ na Biełaruskim radyjo, u časopisie «Połymia» (z 1972 hoda: zahadčyk redakcyi, adkazny sakratar, namieśnik hałoŭnaha redaktara), u aparacie CK KPB, redahavaŭ časopisy «Teatralnaja Biełaruś» i «Centralnaja hazieta».
Ź lutaha 1996 pa 2008 hod byŭ dyrektaram vydaviectva «Biełaruskaja encykłapiedyja» imia Pietrusia Broŭki, a ŭ 2008—2016 hadach — pieršym sakratarom Sajuza piśmieńnikaŭ Biełarusi.
Tvorčaść Hienadzia Paškova pačałasia ŭ 1967 hodzie. Jon vydaŭ zborniki paezii dla darosłych «Klanovik», «Dystancyja niebiaśpieki», «Ziamlu słuchaju»; «Žuravinavy vostraŭ» i inšyja, a taksama dla dziaciej: «Dziaŭčynka z błakitnym miačykam», «Pcič», «Zornaje pole» i inšyja. Taksama jon aŭtar knih narysaŭ «Budzień jak śviata» i «Paleskija vandroŭniki».
Akramia taho, Paškoŭ aŭtar dakumientalnaha filma «Ja ziamlu lublu tak…»
Za liryka-dakumientalnuju apovieść «Paleskija vandroŭniki» Hienadź Paškoŭ u 1998 hodzie atrymaŭ Dziaržaŭnuju premiju Respubliki Biełaruś u halinie litaratury, mastactva i architektury. U 2013 hodzie jamu było prysvojena zvańnie Zasłužany dziejač kultury Respubliki Biełaruś.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary