Ministarka achovy zdaroŭja Šviecyi straciła prytomnaść na pres-kanfierencyi ŭ pieršy ž dzień znachodžańnia na pasadzie VIDEA
Incydent adbyŭsia na pres-kanfierencyi, pryśviečanaj pierastanoŭkam u šviedskim kabiniecie ministraŭ.
Pryznačanaja tolki ŭ paniadziełak na pasadu ministra achovy zdaroŭja Šviecyi Elizabiet Łan straciła ŭ toj ža dzień prytomnaść na pres-kanfierencyi, paviedamiŭ šviedski telekanał SVT.
Incydent adbyŭsia na pres-kanfierencyi, pryśviečanaj pierastanoŭkam u šviedskim kabiniecie ministraŭ.
Na apublikavanych u Siecivie i ŚMI kadrach vidać, što Łann staić za trybunaj na pres-kanfierencyi razam z premjer-ministram Ulfam Krystersanam, ministram enierhietyki i pradprymalnictva Ebaj Buš i ministram sacyjalnych spraŭ Jakobam Forsmedam.
U peŭny momant žančyna padaje prosta na svaju trybunu i ŭdarajecca hałavoj.
Jak piša vydańnie, paśla straty prytomnaści Łan vyvieli z zały, ale ŭžo praź niekalki chvilin jana viarnułasia i patłumačyła sabranym žurnalistam, što ŭ jaje ŭpaŭ uzrovień cukru ŭ kryvi. Adnak pres-kanfierencyju ź jaje ŭdziełam usio ž pieranieśli.
Łan, jakaja źjaŭlajecca municypalnym daradcam u Hioteborhu i členam partyi «Chryścijanskaja demakratyja», była pryznačanaja na pasadu ministra achovy zdaroŭja ŭ toj ža dzień. Pryznańnie adbyłosia paśla taho, jak jaje papiarednik Aka Ankarbierh Juchansan raptoŭna syšoŭ u adstaŭku napiaredadni.
Kamientary