Pavieł Łatuška paprasiŭ uličyć mahčymaść stvareńnia humanitarnaha kalidoru na vypadak fors-mažoru na polskaj miažy
Rašeńnie ab zakryćci polska-biełaruskaj miažy z pryčyny vučeńniaŭ «Zachad-2025» stała temaj sustrečy namieśnika kiraŭnicy Abjadnanaha pierachodnaha kabinieta Paŭła Łatuški i śpikiera KR Arcioma Bruchana z upaŭnavažanym pradstaŭnikom ministra zamiežnych spraŭ Polščy pa supracoŭnictvie ź biełaruskimi demsiłami Adamam Chałacinskim.
Pavieł Łatuška adznačyŭ, što APK vystupaje z pazicyjaj nieabchodnaści ŭzmacnieńnia cisku na režym Łukašenki, u tym liku ekanamičnaha, kab prymusić režym źmianić unutranuju represiŭnuju i źniešniuju ahresiŭnuju palityku. Adnačasova dla Kabinieta važna zachavańnie mahčymaści pajezdak dla biełarusaŭ u krainy ES.
Razumiejučy pazicyju Polščy, jakaja prymaje rašeńni ŭ intaresach nacbiaśpieki, Pavieł Łatuška źviarnuŭ uvahu polskaha boku i na važnaść zachavańnia mižčałaviečych kantaktaŭ i padtrymki jeŭrapiejskaj aryjentacyi biełarusaŭ.
Pradstaŭnik MZS Polščy paprasiŭ z razumieńniem pastavicca da situacyi, jakaja skłałasia, i adznačyŭ, što hetaje rašeńnie nie maje na mecie nanieści škodu hramadskim intaresam, jak hramadzian Biełarusi, tak i hramadzian Polščy.
Tym nie mienš, na siońnia pazicyja polskaha boku zaklučajecca ŭ tym, što pamiežny ruch na biełaruska-polskaj miažy budzie adnoŭleny tolki tady, kali źjavicca ŭpeŭnienaść, što biaśpieka hramadzian Polščy harantavana, i što nie budzie ryzyk pravakacyj i mahčymych ahresiŭnych dziejańniaŭ suprać Polščy.
Na pytańnie ab tym, jakim čynam budzie dziejničać polski bok u vypadku ŭźniknieńnia nieabchodnaści pierasiačeńnia miažy ŭ humanitarnych metach, pradstaŭnik MZS Polščy adznačyŭ, što rašeńnie znachodzicca ŭ vyklučnaj kampietencyi MUS Polščy.
Taksama ŭvaha była nadadzienaja prablemie palitźniavolenych u Biełarusi. Padkreślena, što ich vyzvaleńnie źjaŭlajecca adnym z klučavych patrabavańniaŭ demakratyčnaha ruchu i mižnarodnych partnioraŭ. Źviernuta ŭvaha na mahčymyja miechanizmy padtrymki i dapamohi z boku Polščy ŭ vypadku vyzvaleńnia vialikich hrup palitviaźniaŭ, u tym liku humanitarnaj i sacyjalnaj dapamohi.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski16
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary