Viadučaja STB katałasia na rasijskich numarach, jakija niechta prylapiŭ na skotč — i nie viedała pra heta. Cud rastłumačyli ŭ 102
Vice-mis Biełaruś — 2018 Nastaśsia Łaŭrynčuk, jakaja ciapier pracuje na Staličnym telebačańni, raskazała, što niechta prylapiŭ na jaje aŭto rasijskija numary pavierch sapraŭdnych biełaruskich. Dyk što ž heta było?
U 102 dziaŭčynie situacyju rastłumačyli: vyśvietliłasia, što ŭčora pobač sa Staličnym tełabačańniem zdymali rasijski sieryjał. Kab paźbiehnuć kinalapaŭ, kinošniki apieratyŭna schavali biełaruskija numary na pryparkavanych mašynach pad rasijskimi. Nastaśsia padmienu zaŭvažyła nie adrazu i dzień katałasia pa Minsku na aŭtamabili z falšyvymi numarami.
«Cikava, jak by ja heta tłumačyła b supracoŭnikam DAI, kali b mianie spynili ŭ horadzie ŭčora ci siońnia?» — zadała rytaryčnaje pytańnie Łaŭrynčuk.
Ciapier u Minsku zdymajuć niekalki rasijskich sieryjałaŭ — «Ćvietok hranata», «DDM» i «Dieła žitiejskije — 8».
Były ministr kultury Rusłan Čarniecki znajšoŭ sabie padpracoŭku9
Kamientary