Vystup hurta «Technałohija», jaki płanavaŭsia siońnia ŭ Pleščanicach, admienieny
Vystup lehiendarnaj «Technałohii» anansavaŭsia na siońnia, 20 vieraśnia ŭ ramkach «Pleščanickaha kirmašu». U piatnicu ŭ miascovych publičnych supołkach źjaviłasia infarmacyja pra toje, što mierapryjemstva pieranosicca, piša Onliner.by.
Paŭtarahadzinny vystup papularnaha ŭ 90‑ia hurta «Technałohija» musiŭ adbycca siońnia viečaram. Pra heta raniej kazaŭ raniej žurnalistam staršynia miascovaha vykankama Alaksandr Sidarevič.
Pa jaho słovach, finansavy bok arhanizacyi śviata i pryvozu artystaŭ uziała na siabie kampanija, źviazanaja ź miascovym miecenatam, bujnym biznesoŭcam z IT-śfiery Alaksandram Chomičam. Praściej kažučy, heta była sponsarskaja dapamoha.
Miascovyja žychary raspaviadali, što miecenat u dziacinstvie časta haściŭ tut u babuli ź dziadulem i ŭ apošnija hady šmat zrabiŭ dla raźvićcia Pleščanic.
Vystup «Technałohii» mieŭsia adbycca ŭ ramkach śviata «Pleščanicki kirmaš» — heta niešta kštałtu miascovych dažynak. Haściam abiacali chity «Dziŭnyja tancy», «Siońnia ŭnačy», «Naciśni na knopku», «Usio, što ty chočaš».
Udzielniki «Technałohii» zapisali videazvarot da biełarusaŭ z anansam svajho vystupleńnia ŭ Pleščanicach. Ale ŭ piatnicu ranicaj u sacsietkach pačała źjaŭlacca infarmacyja, što kancert, dy i ŭvohule śviata pieranosicca «pa techničnych pryčynach». Staršynia sielvykankama paćvierdziŭ pieranos, ale terminaŭ nie nazvaŭ i pakłaŭ słuchaŭku.
Pieranos «Pleščanickaha kirmašu» paćvierdzili i ŭ Łahojskim rajvykankamie. «U hetuju subotu ŭ Pleščanicach ničoha nie budzie! Nie viedaju čamu», — raspaviali na haračaj linii rajvykankama.
Kab unieści jasnaść, žurnalisty taksama patelefanavali kancertnamu dyrektaru hurta «Technałohija» ŭ Maskvu.
— Pra pieranos abo admienu nam ničoha nie viadoma. U nas jość bilety, zabraniravanyja hateli, tranśfiery, my ŭsie techničnyja momanty ŭžo abmierkavali i pavinny vylecieć, — raspavioŭ Alaksiej Frolikaŭ.
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj14
Kamientary