Technabank pierastaje viartać hrošy pa Tax Free. Jak ciapier zabirać vaty?
Z 22 vieraśnia biełarusy bolš nie zmohuć viartać u Biełarusi hrošy za pakupki za miažoj, aformlenyja pa sistemie Tax Free Global Blue, jak heta było raniej.
Što źmianiłasia
Klijentam, jakija raniej karystalisia pasłuhami Global Blue, razasłali pa pošcie paviedamleńnie, što viartańnie Tax Free praz adździaleńni Technabanka, jaki byŭ biełaruskim apierataram servisa, budzie niedastupnaje.
Prypynieńnie vypłat tłumačać źmienami ŭ apieracyjnych pracesach.
Na sajcie banka paznačana, što z 22 vieraśnia 2025 hoda Technabank prypyniaje vypłaty hrašovych srodkaŭ pa čekach Tax Free kampanii Global Refund Holdings AB.
Jak ciapier viartać PDV z zamiežnych pakupak?
Jak i raniej, hrošy možna viarnuć na bankaŭskuju kartku (kali heta mahčyma z ulikam sankcyjnych abmiežavańniaŭ dla vašaha banka), najaŭnymi ŭ aeraporcie abo ŭ ofisach Global Blue pry nastupnaj pajezdcy za miažu.
Zrešty, niekatoryja padarožniki mohuć viartać padatak na dadanuju vartaść i niepasredna ŭ kramach — ale kali krama zarehistravanaja ŭ sistemie VAT Refund.
Dla hetaha nieabchodna źviarnucca da pradaŭca pry nastupnym vizicie ŭ krainu, dzie byŭ nabyty tavar. Pieravaha takoj sistemy ŭ tym, što vy atrymajecie amal 100% vypłačanaha vami padatku na dadanuju vartaść.
Pry afarmleńni Tax Free praz Global Blue servis zabiraje sabie kala 40% ad sumy viartańnia.
Ciapier čytajuć
Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu5
Kamientary