Kiraŭnika fondu «Bajsoł» Andreja Stryžaka abvinavacili ŭ charasmiencie. Jon pryznaŭ, što adpraŭlaŭ dykpiki žančynam biez zhody ź ich boku. Paśla hetaha ŭ fondzie pačali raźbiralnictva. Ciapier ahučyli rašeńnie.
Kamisija, sfarmiravanaja «Bajsołam», razhledzieła situacyju i zafiksavała 12 vypadkaŭ charasmientu, uklučajučy adpraŭku niepažadanych paviedamleńniaŭ i złoŭžyvańnie słužbovym stanoviščam z boku Andreja Stryžaka. Kamisija rekamiendavała poŭnaje spynieńnie supracoŭnictva z Andrejem i pieradaču zasnavalnictva Fondu.
Andrej Stryžak, jak zasnavalnik, pradstaviŭ kamandzie vodhuk na rašeńnie kamisii, u jakim zajaviŭ, što nie prymaje jaho i ličyć niespraviadlivym, praźmiernym i niepraparcyjnym — jak pa sutnaści, tak i pa pracedury. Akramia taho, Andrej ahučyŭ asabistyja abaviazańni, nakiravanyja na likvidacyju naniesienaj škody.
Dalej było praviedziena tajnaje hałasavańnie ŭ kamandzie «Bajsoła» (biez udziełu Andreja Stryžaka), pa vynikach jakoha bolšaść vykazałasia za praciah supracoŭnictva z Andrejem, ale ŭ abmiežavanym farmacie.
Paśla hałasavańnia kamandy i šerahu abmierkavańniaŭ pryniata kampramisnaje rašeńnie:
— supracoŭnictva sa Stryžakam praciahvajecca na časovaj asnovie da 19 sakavika 2026 hoda,
— jon całkam adchileny ad lubych kiraŭničych, pradstaŭničych i zasnavalnickich funkcyj u «Bajsole» — jak farmalna, tak i niefarmalna,
— zasnavalnictva pieradajecca dyrektaru Vitalijusu Mockusu, praces pieradačy pavinien być inicyjavany da 25 vieraśnia 2025 hoda,
— usie publičnyja zajavy Stryžaka nie źjaŭlajucca aficyjnaj pazicyjaj Fondu,
— pa zakančeńni šaścimiesiačnaha terminu budzie praviedziena acenka supracoŭnictva i pryniata rašeńnie ab dalejšym farmacie ŭdziełu,
— fond pačynaje ŭnutranuju reformu kiravańnia arhanizacyjaj i praciahvaje svaju dziejnaść.
Pa stanie na 23 vieraśnia ab svaim rašeńni pakinuć kamandu zajavili troje supracoŭnikaŭ.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Stolki prablem, a tut Stryžak ź jaho padletkavymi hulniami
Spoviedź Stryžaka: Ja maju prablemu z seksualnaj zaležnaściu
Niekalki aktyvistak abvinavacili Stryžaka: vysyłaŭ im dykpiki
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku69
Kamientary
Parajcie chtości, kali łaska, jak spynić histeryčny or!