U staličnaj ŽKH raskazali, pry jakich umovach u Minsku ŭklučać aciapleńnie
Kali ŭ Minsku ŭklučajuć aciapleńnie, raspaviała na pres‑kanfierencyi ŭ Minsku pradstaŭnik minskaj ŽKH Natalla Vajciachovič, piša BiełTA.
Natalla Vajciachovič adznačyła, što rašeńnie ab padačy ciapła ŭ abjekty sacyjalnaj śfiery, žyłyja damy i administracyjnyja budynki prymajecca miascovymi ŭładami zychodziačy z nadvorja.
U sacyjalnych abjektach batarei paciaplejuć, kali siaredniasutačnaja tempieratura +10 hradusaŭ try dni zapar. U adpaviednaści z narmatyŭnymi dakumientami aciaplalny siezon u žyllovym fondzie pačynajecca tady, kali siaredniasutačnaja tempieratura pavietra na praciahu troch dzion nie pieravysić 8 hradusaŭ.
Nadvorje ŭ Minsku na nastupnyja dni pavodle yr.no
«U minułym hodzie aciaplalny siezon u Minsku pačaŭsia 4 kastryčnika. Raniej za ŭsio aciapleńnie ŭ žyllovy fond stała pastupać u 2021 hodzie — 22 vieraśnia, paźniej za ŭsio ŭ 2020‑m — 13 kastryčnika», — źviarnuła ŭvahu Natalla Vajciachovič.
Darečy, minuły siezon aciapleńnia akazaŭsia samym karotkim — 196 dzion. U 2021 hodzie jon praciahnuŭsia 231 dzień, u 2020‑m — 221 dzień.
«U zaležnaści ad taho, jak nadvorje budzie siabie pavodzić, budzie pryniata rašeńnie ab pačatku padačy ciapła», — skazała Natalla Vajciechovič.
Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu19
Kamientary