Vydaviectva Gutenberg Publisher anansavała vychad 5 kastryčnika debiutnaha navukova-fantastyčnaha ramana ad Arcioma Šukanava. Tvor «Pientakvantar» vychodzić adrazu ŭ dźviuch knihach i ŭjaŭlaje saboj žyvy i sučasny, techničny i chardkorny pryhodnicki biełaruski postkibierpank, napisany čałaviekam dla ludziej, piša bellit.info.
Knižny žanr kibierpanku zastaŭsia ŭ dzievianostych. Usie jaho litaraturnyja nastupstvy, jakija my bačym navokał, — heta raźvićcio žanru z prystaŭkaj «post», tłumačać u vydaviectvie. «Pientakvantar» — mienavita taki postkibierpank-raman, nieŭtajmavany i maštabny technatryler, jaki idzie pa śladach «Kryptanomikonu» i «Łaviny» Niła Styviensana, niesučy na sercy šnary ad «Štama Andramieda» Majkła Krajtana i «Nejramansiera» Uiljama Hibsana.
Dziejańnie knihi adbyvajecca ŭ budyjskich śviatyniach śpiakotnaha Łaosa i na daždžlivych nieonavych vulicach Kijota. Ź bietonnych džunhlaŭ Minska-3, što na ŭschodnich miežach Intermaryumu, davodzicca pieramiaścicca na Maldyvy, a adtul, kali historyi stanovicca ciesna na Ziamli, praź Indyjski akijan —da vialikaj kvietki Čyrvonaj Plumieryi, nižniaj stancyi kaśmičnaha lifta, adkul hieroi pačnuć svajo samaje dalokaje padarožža da płaniety Džunipier.
Pierad vami debiutny raman Arcioma Šukanava, jaki zadaŭsia adnojčy pytańniem «A što ja zrabiŭ u svaje hody dla kibierpanku?» i vyrašyŭ spakusicca na niešta značnaje. Nie kłapociačysia pra nastupstvy, jon raspachnuŭ litaraturnyja dźviery nahoju, adrazu vykaciŭšy na sud čytača bujny i epičny sajens-fikšan raman.
Pieradzamović «Pientakvantar» možna na sajcie vydaviectva abo pa spasyłcy ŭ profili. Kniha maje vyjści 5 kastryčnika.
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary