Pad Tahanroham dačka kryminalnaha aŭtaryteta Capka z synam prakurora na «mersedesie» ŭlacieli ŭ pryvatny dom
U vioscy Mikałajeŭka pad Tahanroham adbyłasia hučnaja avaryja: 25‑hadovaja Nastaśsia Capok, dačka viadomaha złačyncy Siarhieja Capka, na luksavym aŭtamabili Mercedes-AMG GT63 koštam kala 250 tysiač dalaraŭ prabiła ścianu i litaralna zalacieła ŭ pryvatny dom. U sałonie razam ź joj znachodziŭsia małady čałaviek — pavodle papiarednich źviestak, syn prakurora.
Nichto z haspadaroŭ doma nie paciarpieŭ, bo jany na momant avaryi byli ŭ haściach. Mašyna razburyła dva pakoi. Aboich udzielnikaŭ zdareńnia nakiravali na miedycynskaje abśledavańnie. Paviedamlajecca, što jany mahli znachodzicca pad uździejańniem narkatyčnych rečyvaŭ.
Pavodle Baza, maładyja ludzi pahražali vidavočcam i sprabavali zamiać situacyju na miescy, adnak infarmacyja ŭsio ž trapiła ŭ publičnuju prastoru.
Anastasija Capok źjaŭlajecca dačkoj Siarhieja Capka, jaki byŭ asudžany da pažyćciovaha źniavoleńnia za šerah žudasnych zabojstvaŭ u stanicy Kuščoŭskaj na Kubani. Jaho złačynstvy pry saŭdziele rasijskich siłavikoŭ ličacca adnoj z samych hučnych kryminalnych historyj u najnoŭšaj historyi RF, jakaja najbolš jaskrava charaktaryzuje situacyju ŭ hetaj krainie.
Najbolš rezanansnaje złačynstva bandy Capka — masavaje zabojstva 12 čałaviek, učynienaje 4 listapada 2010 hoda. Achviarami stała ŭsia siamja Siarviera Amietava, u tym liku 9‑miesiačnaje niemaŭla, a taksama hości siamji. Złačyncy zadušyli i zarezali ludziej, a potym padpalili dom.
Minhandlu vypadkova źliło dakumient, u jakim pakazała, jak i za što naličvaje premii11
Kamientary