Tusk u Kapienhahienie zaklikaŭ jeŭrapiejskich lidaraŭ uśviadomić, što vajna ŭžo idzie
Premjer-ministr Polščy Donald Tusk padčas sustrečy ź jeŭrapiejskimi lidarami ŭ Kapienhahienie, dzie abmiarkoŭvalisia pytańni hibrydnych atak, zajaviŭ, što ŭ Bałtyjskim mory amal kožny dzień adbyvajucca roznyja incydenty. Pa jaho słovach, heta ŭžo treba nazyvać «novym typam vajny», a nie prosta pravakacyjami ci asobnymi vypadkami.
Donald Tusk padkreśliŭ, što ŭ rehijonie panuje iluzija: mnohija ŭsio jašče ličać, što vajny niama, ale heta nie tak.
«Niekatorym z nas padabajecca vykarystoŭvać takija aznačeńni, jak poŭnamaštabnaja ahresija, incydenty abo pravakacyja. Nie, heta vajna. Novy vid vajny, vielmi składany, ale heta vajna», — skazaŭ Tusk.
Polski premjer nahadaŭ, što apošnija dni ŭ krainie było zafiksavana niekalki vypadkaŭ, jakija niepasredna pahražali biaśpiecy. Apošni incydent adbyŭsia ŭ rajonie Ščecinskaha porta. Akramia taho, Polšča štodnia sutykajecca z masavymi sprobami niezakonnaha pierachodu miažy z boku Biełarusi, a taksama z napadami na polskich vajskoŭcaŭ. Hetyja ataki ŭžo pryviali da čałaviečych achviaraŭ.
«Heta naša vajna, i kali Ukraina prajhraje, heta budzie aznačać naš pravał», — padkreśliŭ Tusk.
Razvažajučy pra siły bakoŭ, jon adznačyŭ, što ŭ ekanamičnym, technałahičnym i inšych aśpiektach Jeŭropa značna macniejšaja za Rasiju.
Ale, pavodle jaho, hałoŭnaja psichałahičnaja pieravaha Maskvy ŭ tym, što rasijanie hatovyja pakutavać i nieści achviary dziela svaich metaŭ. Jeŭropa ž časta nie demanstruje dastatkovaj rašučaści i metanakiravanaści.
Zaviaršajučy vystup, Tusk zrabiŭ žorstkaje papiaredžańnie: Polšča, viedajučy histaryčny i hieapalityčny dośvied, razumieje namiery Rasii. I kali jana pieramoža va Ukrainie, heta stanie pahrozaj nie tolki dla Polščy, ale i dla ŭsioj Jeŭropy. «U hetym ja nie maju nijakich sumnievaŭ», — skazaŭ jon.
Tym časam ahienctva Bloomberg paviedamiła, što na fonie hetych zajavaŭ polskija ŭłady zahadali rasijskamu sudnu pakinuć terytaryjalnyja vody krainy. Karabiel byŭ zaŭvažany ŭsiaho za 300 mietraŭ ad hazapravoda, jaki złučaje marskuju płatformu z macierykom. U Ministerstvie ŭnutranych spraŭ Polščy i śpiecsłužbach heta nazvali čarhovym epizodam «cichaj vajny», jakuju Rasija viadzie suprać krainy.
Kala polskaha Ščecina rasijski katar zatrymaŭsia pobač z hazapravodam
Orban daŭ niečakany adkaz pra Rasiju paśla pytańnia žurnalista
Ci zakryje Polšča znoŭ miažu na hetym tydni i čaho jana čakaje ad Minska?
Pucin raskazaŭ, kolki zarablaje Rasija na prodažy ZŠA ŭranu
Zialenski: Paśla majoj sustrečy z Trampam u nas moža źjavicca niešta bolšaje
Hienštab USU pryhraziŭ Pucinu błekautam u Maskvie ŭ vypadku praciahvańnia ŭdaraŭ pa enierhietycy Ukrainy
Kamientary
Pośle takoj rieakcii SŠA, dažie pobojaliś aktivirovať 5 staťju NATO i riešili popričitať v ramkach 4 staťji ustava NATO.
O čiom i poodołžajet pričitať Tusk.