Prezident ZŠA Donald Tramp adpraviŭ u rajon bierahoŭ Vieniesueły vialikuju vajskovuju hrupoŭku — kala 16 tysiač čałaviek, paviedamlaje The Washington Post. U skład sił uvachodziać vosiem bajavych karabloŭ, atamnaja padłodka, avijacyja, u tym liku stratehičny bambavoz B-52 i źniščalniki F-35. Taksama ŭ Karybski basiejn nakiravany avijanosiec Gerald R. Ford ź piaćciu karablami supravadžeńnia.
Takoje ŭzmacnieńnie amierykanskaj prysutnaści ŭ rehijonie, pavodle infarmacyi vydańnia, moža śviedčyć pra padrychtoŭku Vašynhtona da pašyreńnia vajennych apieracyj i pavyšaje ryzyku napružańnia ŭ adnosinach z Karakasam.
Aficyjna Bieły dom tłumačyć hetyja dziejańni baraćboj z narkatrafikam. Razhortvańnie hrupoŭki było abvieščana 24 kastryčnika, u toj ža dzień ZŠA ŭviali sankcyi suprać prezidenta Kałumbii Hustava Pietra.
Niekatoryja amierykanskija ŚMI paviedamlali, što administracyja ZŠA nibyta dazvoliła mahčymyja ŭdary pa vajskovych abjektach Vieniesueły, ale Tramp publična heta abvierh.
Pavodle dakumientaŭ, da jakich atrymała dostup The Washington Post, prezident Vieniesueły Nikałas Madura źviarnuŭsia pa dapamohu da Rasii, Kitaja i Irana. Jon paprasiŭ u Maskvy pastaŭki zienitnych kompleksaŭ, ramont źniščalnikaŭ Su-30, radaraŭ i ruchavikoŭ, a taksama łahistyčnuju padtrymku. U Kitaj i Iran Madura nakiravaŭ prośby ab supracoŭnictvie ŭ śfiery vajskovych technałohij — pastaŭki dronaŭ, sistem GPS-hłušeńnia i srodkaŭ vyjaŭleńnia.
ZŠA adpravili da Vieniesueły najbujniejšy avijanosiec, Madura abvinavaciŭ Vašynhton u eskałacyi
Tramp: ZŠA rychtujucca pačać suchaputnuju vajennuju apieracyju ŭ Vieniesuele
ZŠA ŭpieršyniu nanieśli ŭdar pa sudnach narkahandlaroŭ u Cichim akijanie
Tramp dazvoliŭ CRU pravodzić tajnyja apieracyi ŭ Vieniesuele
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca5
Kamientary