U horadzie žyvie kala 1,3 miljona jaŭrejaŭ — heta samaja vialikaja jaŭrejskaja supolnaść va ŭsim śviecie, akramia Izraila.
Amichaj Šykli — ministr pa pytańniach dyjaspary i baraćby z antysiemityzmam Izraila — paśla pieramohi 34‑hadovaha musulmanina-demakrata Zachrana Mamdani na vybarach mera ŭ Ńju-Jorku zaklikaŭ jaŭrejaŭ, jakija žyvuć u horadzie, viarnucca na radzimu, paviedamlaje Deutsche Welle.
«Horad, jaki kaliści simvalizavaŭ usieahulnuju svabodu, pieradaŭ klučy ad ułady prychilniku CHAMAS, čyja pazicyja nie takaja ŭžo i dalokaja ad pazicyi fanatykaŭ-džychadzistaŭ, što zabili try tysiačy žycharoŭ Ńju-Jorka 25 hadoŭ tamu», — napisaŭ Šykli na svajoj staroncy ŭ X u sieradu, 5 listapada.
Pavodle jaho mierkavańnia, «Ńju-Jork užo nikoli nie budzie raniejšym, asabliva dla jaho jaŭrejskaj supolnaści», tamu jaje pradstaŭnikam varta «surjozna zadumacca pra toje, kab zrabić Ziamlu Izrailskuju svaim novym domam». «Ńju-Jork idzie z raspluščanymi vačyma ŭ biezdań, u jakuju apuściŭsia Łondan», — dadaŭ Šykli.
U horadzie žyvie kala 1,3 miljona jaŭrejaŭ — heta samaja vialikaja jaŭrejskaja supolnaść va ŭsim śviecie, akramia Izraila. Pry hetym Mamdani nazyvaŭ dziejučuju ŭ Izraili ŭładu «režymam aparteidu», a vajnu ŭ Hazie — «hienacydam». U toj ža čas pra CHAMAS jon nie vykazvaŭsia.
Ź mierkavańniem Šykli pra Mamdani taksama pahadziŭsia ministr nacyjanalnaj biaśpieki Izraila i lidar krajnie pravaj partyi «Ocma Jehudyt» («Jaŭrejskaja siła») Itamar Bien-Hvir. «Antysiemityzm atrymaŭ pieramohu nad zdarovym sensam. Mamdani — prychilnik CHAMAS, vorah Izraila i zaŭziaty antysiemit», — pryvodzić jaho słovy AFP.
Vybary kiraŭnika horada prajšli 4 listapada. Pa vynikach apracoŭki amal 98% hałasoŭ Mamdani, jakoha vyłučyli Demakratyčnaja partyja i «Partyja pracoŭnych siemjaŭ», atrymlivaje pieramohu — jon nabraŭ kala 50,4% hałasoŭ.
Tramp nazyvaŭ Mamdani — prychilnika levych pohladaŭ — kamunistam. Prezident śćviardžaŭ, što idei palityka paškodziać horadu. U pryvatnaści, jon prapanoŭvaŭ uvieści zamarozku arendnaj płaty na žyllo, zrabić prajezd u haradskich aŭtobusach biaspłatnym, zabiaśpiečyć usieahulnuju daškolnuju adukacyju, a taksama adkryć sietku municypalnych charčovych kram. Finansavać prajekty Mamdani płanuje za košt pavyšeńnia padatkaŭ dla bahatych i kampanij.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary
Tym časam jaho zajava ŭ ciŭtarie: "Two years ago today, Hamas committed an atrocious act of war, resulting in the deaths of over 1,100 Israelis and the abduction of 250 others. I grieve for these individuals pray for safe return every hostage in captivity, as well as for the families whose lives have been devastated by these events."