Vyjšaŭ pa-biełarusku raman Ščepana Tvardacha, pryśviečany vajnie va Ukrainie
Vydaviectva «Januškievič» abviaściła pra start prodažaŭ biełaruskaha pierakładu najnoŭšaha ramana viadomaha polskaha piśmieńnika Ščepana Tvardacha — «Nul».
«Nul» — heta vybuchovaja sumieś vajennaj dramy, psichałahičnaha trylera i fiłasofskaj refleksii pra sutnaść čałavieka na vajnie. Heta sučasnaja vajennaja proza, jakaja razryvaje tradycyjnyja schiemy hieraizmu i achviarnaści, ułaścivyja savieckamu kanonu. Tvardach pakazvaje vajnu nie jak epas pra pieramohu, a jak chaos, u jakim razburajecca čałaviečaja maral, i zastajecca tolki vola da vyžyvańnia.
Kali Ščepan Tvardach adpraviŭsia na ŭkrainski front, kab adčuć usio na ŭłasnaj škury, źjaviłasia mnostva kamientaryjaŭ pra toje, što heta biezadkazna, niebiaśpiečna i paziorstva, ale ŭ vyniku atrymałasia mocnaja kniha.
«Nul» adnačasova adroźnivajecca i vielmi padobny da inšych knih Tvardacha. Hetaja kniha niepasredna adnosicca da sučasnych, realnych padziej. Niahledziačy na ramannuju formu, u jakoj napisanaja historyja Kania, dobraachvotnika USU ź niamiecka-ŭkrainska-polskimi karaniami, — kniha časam nahadvaje repartaž. Tvardach apisvaje historyi, emocyi i padziei, jakija jon sam pieražyŭ abo pačuŭ ad sałdat.
Tvardach vybiraje vydumku, kab raskazać praŭdu. U peŭnym sensie heta navat dazvalaje jamu być bolš adkrytym — litaratura faktu va ŭmovach vajny patrabuje, naprykład, harantavańnia biaśpieki apisanych piersanažaŭ. Vybirajučy mastackuju litaraturu, zasnavanuju na realnych padziejach, aŭtar moža bolš dakładna apisać realnaść.
«Nul» — heta šmathrannaja proza, napisanaja žyvoj movaj. Kniha pra toje, nakolki pryziemlena biazhłuzdaj i ŭ toj ža čas biazhłuzda bieskampramisnaj moža być vajna.
Biełaruski pierakład zrabiła Kaciaryna Macijeŭskaja, łaŭreatka Premii Šermana, jakaja pieradała składanuju, šmatpłastavuju movu Tvardacha ź jaje hipnatyčnaj enierhietykaj i tryvožnym rytmam.
Ščepan Tvardach — najviadomiejšy polski piśmieńnik sučasnaści. Bieskampramisny ŭ publičnaj dziejnaści. Rezki na palityčnyja vykazvańni. Kožnaja vydadzienaja im kniha stanaviłasia padziejaj i abaviazkova — biestsieleram. Aŭtar takich viadomych, skandalnych i hučnych ramanaŭ, jak «Morfij» (2012), «Drach» (2014). «Karol» (2016), «Karaleŭstva» (2018), «Pakora» (2020), «Choład» (2022). Jahony najbolšy biestsieler «Karol» vyjšaŭ pa-biełarusku ŭ 2022 hodzie.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary