Uzbrojenyja Siły Ukrainy zajaŭlajuć, što ŭviečary 5 listapada ŭ rajonie časova akupavanaha Daniecka była źniščana baza, jakaja vykarystoŭvałasia dla zachoŭvańnia, kamplektavańnia i zapusku rasijskich dronaŭ-kamikadze «šachied».
Ab paśpiachovym ahniavym paražeńni abjekta ŭ rajonie byłoha Danieckaha aeraporta paviedamiŭ Robiert «Madźjar» Broŭdzi, kamandujučy Sił bieśpiłotnych sistem USU.
Pavodle słoŭ Broŭdzi, sumiesnuju apieracyju ŭ rajonie časova akupavanaha Daniecka praviali Siły śpiecapieracyj, Rakietnyja vojski i artyleryja Ukrainy, i bryhadnaja raźviedka asobnaj bryhady bieśpiłotnych sistem «Ptachi Madźjara».
«Raspracoŭka hetaj składanaj celi pieratvaryłasia ŭ šmatmiesiačnuju karpatlivuju raźviedvalnuju apieracyju, sabranuju z drobnych pazłaŭ; hetaj nočču była realizavana adpaviednymi srodkami ŭździejańnia», — napisaŭ Madźjar.
Pa infarmacyi kanała «Daśje špijona», na terytoryi aeradroma znachodziłasia da 1000 dronaŭ «Hierań-2» i bolš za 1500 bajavych čaściej.
Całkam źniščany skład bojekamplektaŭ, skład paliva i punkt pieradstartavaj padrychtoŭki bieśpiłotnikaŭ.
Nahadajem, uviečary 5 listapada ŭ časova akupavanym Daniecku prahrymieli vybuchi, u sacsietkach źjaviłasia videa pažaru.
Kamientary