Premjer Litvy pra fury ŭ Biełarusi: Biznes pavinien byŭ da hetaha padrychtavacca
Inha Ruhinienie nazyvaje hnieŭ pieravozčykaŭ z-za fur, što zachraśli ŭ Biełarusi, niesumlennym, pierabolšanym emacyjnym fonam. Pavodle jaje słoŭ, viedajučy napružanyja adnosiny z Rasijaj i Biełaruśsiu, da takich situacyj možna było padrychtavacca zahadzia.
Kažučy pra fury, što zachraśli ŭ Biełarusi, premjer adznačaje, što razumieje kiroŭcaŭ, adnak padkreślivaje: biznes, viedajučy pra napružanyja adnosiny z Rasijaj i Biełaruśsiu, pavinien byŭ acanić ryzyki i padrychtavacca da takich situacyj.
«Kali naš biznes maje dziełavyja adnosiny ź Biełaruśsiu abo z krainami, što simpatyzujuć Biełarusi i Rasii, vidać, treba acanić ryzyki. Miažy nie byli zakrytyja tut i ciapier raptoŭna. My dva tydni paŭtarali i kazali: kali nie spynicca hibrydnaja ataka, my zakryjem na bolš praciahły termin. Tamu možna było da hetaj situacyi sapraŭdy padrychtavacca», — skazała Inha Ruhinienie LRT Radio.
«My ničoha nie chavajem, my pra heta adkryta havaryli, i tamu ciapier taki pierabolšany emacyjny fon pieravozčykaŭ krychu niesumlenny, bo my pra heta havaryli i kazali, što treba rychtavacca. Kali situacyja pamiž nami i Biełaruśsiu dy Rasijaj napružanaja, my prymiem usie miery, kab zabiaśpiečyć biaśpieku našych, litoŭskich hramadzian», — padkreśliła premjer.
Sacyjał-demakratka adznačaje, što Litva hatovaja adkryć miažu, kab viarnuć fury, adnak z boku Biełarusi brakuje inicyjatyvy ŭ hetym pytańni. «Biełaruś nie prajaŭlaje nijakaj dobrazyčlivaści ŭ hetym pytańni, i heta aznačaje, što situacyja dastatkova napružanaja. My jaje vyrašajem, bačycie, što rytoryka Biełarusi źmianiajecca nakont pieramoŭnaj hrupy i inšych rečaŭ. Heta aznačaje, što stanoŭčyja sihnały prychodziać u Litvu, ale jašče treba zrabić šmat pracy», — skazała premjer.
Nahadajem, što ŭ vyniku zakryćcia litoŭska-biełaruskaj miažy z-za mietearałahičnych zandoŭ u Biełarusi zastalisia kala 1100 litoŭskich fur.
Łukašenka zahadaŭ brać ź litoŭskich dalnabojščykaŭ pa 120 jeŭra za sutki na stajancy, a ŭ tych, chto nie budzie płacić, zabirać mašyny. Takim čynam, havorka pra 132 tysiačy jeŭra za sutki.
11 listapada ministru zamiežnych spraŭ Biełarusi Maksimu Ryžankovu daručana pačać pieramovy ź litoŭskimi kalehami. Alaksandr Łukašenka pastaviŭ zadaču narmalizavać situacyju na miažy i damovicca pra adkryćcio punktaŭ propusku.
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj8
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary