Karłas Ałos: Kali b ja słuchaŭ usie parady, pryjšłosia b vyklikać u zbornuju 250 futbalistaŭ
Hałoŭny trenier zbornaj Biełarusi pa futbole Karłas Ałos adkazaŭ na pytańni žurnalistaŭ pierad zaklučnymi matčami adboru čempijanatu śvietu — 2026 suprać Danii i Hrecyi, piša football.by.
Adkazvajučy na pytańni, ci zadavoleny jon vyklikanym śpisam futbalistaŭ, ispanski śpiecyjalist adkazaŭ: «Nikoli nielha być całkam zadavolenym kančatkovym śpisam. Heta jak u žyćci, zaŭsiody jość niejkija składanaści i niuansy. Vy viedajecie, što traŭmu atrymaŭ Alaksandr Martynovič, jaki nam nie dapamoža ŭ najbližejšych hulniach. Ja nie apraŭdvajusia, mahu skazać, što zadavoleny futbalistami, jakija prybyli. Zrazumieła, što troch-čatyroch futbalistaŭ my stracili z-za traŭmaŭ».
«Vyklik kožnaha futbalista — rašeńnie našaha trenierskaha štaba, surjozny analiz. Kali b ja słuchaŭ usie parady, daviałosia b vyklikać 250 futbalistaŭ u zbornuju», — dadaŭ jon
Pa jaho słovach, pieršaja hulnia suprać Hrecyi, što skončyłasia parazaj 1:5, była najhoršym matčam u vykanańni kamandy.
«My nastrojeny surjozna, chočam zhulać lepš. Zadavoleny, što ŭ nas jość šancy zhulać jašče raz z hetymi kamandami. Heta vielmi mocnyja supierniki, moža padacca, što ŭ nas mała šancaŭ, ale my pavinny pastaracca reabilitavacca za tyja paražeńni i ŭziać ački. Rychtujemsia i čakajem najbližejšyja matčy», — skazaŭ Karłas Ałos.
Zbornaja Biełarusi ŭ hetym adbory prajhrała ŭsie čatyry matčy: Hrecyi (1:5), Danii (0:6) i dvojčy Šatłandyi (0:2, 1:2) i straciła navat tearetyčnyja šancy na druhoje miesca, što daje dopusk u płej-of.
Zbornaj zastałosia pravieści dźvie hulni: u subotu ŭ haściach z Danijaj i ŭ aŭtorak na niejtralnym poli ŭ Vienhryi z Hrecyjaj. Ale hetyja matčy ničoha nie rašajuć.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary