Za dvoje sutak u Litvie pierachapili 10 kantrabandnych šaroŭ i zatrymali vosiem padazravanych
Za dvoje sutak litoŭskija pamiežniki pierachapili 10 kantrabandnych bałonaŭ z 12,3 tys. pačak biełaruskich cyharet.
«Za dvoje sutak zatrymanyja vosiem čałaviek. 6 byli zatrymanyja ŭ adzin dzień, astatnija — u druhi dzień. 6 zatrymanych asob sud dazvoliŭ aryštavać na miesiac, adnosna astatnich dvuch aryštu jašče budzie vyrašacca», — skazaŭ u subotu daradca Dziaržaŭnaj pamiežnaj słužby Litvy (VSAT) Hiedrys Mišucis, paviedamlaje LRT.
Padazravanyja byli zatrymanyja ŭ Vilenskim, Varenskim, Rasiejniajskim i Kiedajniajskim rajonach. Da pavietranych bałonaŭ, jak zvyčajna ŭ takich vypadkach, była prymacavanaja GPS-pryłada.
Pa danych VSAT, sioleta ŭsiaho było zatrymana 115 asob, jakija padazrajucca ŭ dačynieńni da kantrabandy z vykarystańniem pavietranaha šlachu.
«Usiaho sioleta pamiežniki zatrymali bolš za 1 miljon 340 tys. pakietaŭ, jakija ź Biełarusi byli dastaŭleny pavietram. U hetuju statystyku ŭvachodziać i hruzy z dronaŭ, ale, viadoma, bolšaść — heta hruzy z pavietranych bałonaŭ», — skazaŭ Hiedrys Mišucis.
U minułym hodzie pavietranym šlacham było pierachoplena 604 tys. pakietaŭ kantrabandnych cyharet i zatrymana 46 padazravanych — sioleta hetyja statystyčnyja danyja bolš čym u dva razy bolšyja.
Kamientary
Užo ž pabačyli.
Heta tańniej, čym žyć pad ciskam hibrydnych atakaŭ raški.
Ale patrebnaja vola palityčnaja.
Kitaj chutka daje pa vuchach łukie i rašcy.
Vazić hruzy na premialny rynak JEZ Kitaj tolki na čas moža admovicca