Andrej Rasinski. Kadry22

Jury Chaščavacki zrabiŭ «Łabatamiju» Uładzimiru Pucinu

Chaščavacki pakazaŭ pravaabaroncam i krytykam svoj novy film.

5 maja režysior Jury Chaščavacki naładziŭ na ofisie BNF infarmacyjny pakaz svajoj novaj stužki «Łabatamija», na jakija byli zaprošanyja pravaabaroncy j krytyki.

Režysior raskazaŭ, što ideja stužki źjaviłasia ŭ jaho ŭ Vilni, kali jon abmiarkoŭvaŭ ź siabrami rasiejska-hruzinskuju vajnu. Znajomyja prapanavali tvorcu samomu źniać film pra hetyja padziei. Chaščavacki pajechaŭ u Hruziju, ale film atrymaŭsia šyrejšym. Režysior raspavioŭ pra miechanizmy prapahandy dyj sučasny rasiejski režym, što pravakuje kanflikty.

Karcina pieranasyčanaja nieviadomymi i zabytymi dakumientami.
Bojnia ŭ Tbilisia 1989 hodu, tanki ŭ Vilni ŭ studzieni 90-aha, razahnanyja Dziady i dziaržaŭnaja chłuśnia — jak staraja heboŭskaja praktyka.

A voś abchazski dyktar abviaščaje ŭsich hruzinaŭ zakładnikami dyj zaklikaje da teraryzmu. Rasiejskija kazaki trasuć zbrojaj, hruzinskija žančyny j dzieci ŭciakajuć praz zaśniežanyja pieravały. Heta padziei 20-hadovaje daŭniny, vytoki siońniašniaje trahiedyi.

U kadry — kanflikty bližejšyja: radasnyja hopniki rabujuć estonskija kramy, «abaraniajučy Bronzavaha žaŭniery». Rasiejskija vojski ŭ Hruzii ciahnuć łyžački, matracy, kamputary. Ale heta drobiaź: pucinskaje čynavienstva kradzie bujniej.

Milijarderka madam Baturyna ščasna hojsaje na kani, źjezd Adzinaj Rasiei, toŭstyja ideołahi i administratary.

Chaščavacki nazyvaje nacyjanalnuju ideju našaj susiedki: «kraduć», «uchvalajem» — i «mačyć u sarciry».
Kab tryjada henaja spracavała nieabchodna niaspynnaja prapahanda, łabatamija, kab ludzi razvučylisia dumać.

Tvorca z asałodaju i sarkazmam preparuje televizijnuju chłuśniu j lapy. Asabliva dastajecca «nacyjanalnamu rasiejskamu lideru Uładzimiru Uładzimiraviču Pucinu», ź jakim Chaščavacki zrabiŭ toje, što kaliści sa «Zvyčajnym prezidentam» Łukašenkam.

Žesty, uśmieški, heboŭskija vinšavańni dbajna raskładzienyja pa paličkam.

Adkazvajučy na zakid, što film tendencyjny, režyser zaciemiŭ: kino nie moža nie być subjektyŭnym.

— Ci nie baiciesia vy, što Pucin abvieścić vas asabistym voraham?

— A čaho mnie bajacca? Ja budu zdymać kino.

Film vielmi zacikaviŭ zachodnich televizijnikaŭ. A na kanale «Biełsat» «Łabatamija» budzie pakazanaja, padzielenaja na try častki.

Kamientary2

Ciapier čytajuć

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Usie naviny →
Usie naviny

«Časam prychodzicca navat załazić u śmietnicu». Vałanciory ź Minska raskazali, jak ratujuć z vulicy chatnich pacukoŭ4

Uśled za premjer-ministram Indyi ministr abarony krainy taksama nie pajedzie na parad u Maskvu5

U Hrodnie Pałac tekstylščykaŭ pieratvaryli ŭ Rejchstah27

Raman Pratasievič raskazaŭ, jakuju novuju prafiesiju płanuje atrymać najbližejšym časam23

«Heta nie płan miru, a teatr». Zialenski adchiliŭ prapanovu Rasii pra trochdzionnaje pieramirje8

Vykładčyku BDU zaprasili ŭ Azierbajdžanie 19 hadoŭ źniavoleńnia14

Novaja mikrachvalevaja sistema abiasškodžvaje rai dronaŭ za siekundy7

«Hołas Amieryki» moža adnavić viaščańnie na nastupnym tydni1

Bruchan paćvierdziŭ, što pojdzie ŭ śpikiery Kaardynacyjnaj rady ad frakcyi Łatuški10

bolš čytanych navin
bolš łajkanych navin

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Hałoŭnaje
Usie naviny →

Zaŭvaha:

 

 

 

 

Zakryć Paviedamić