Student staŭ kurjeram telefonnych machlaroŭ i zabraŭ u padmanutych minčan 280 tysiač rubloŭ
Małady čałaviek pavieryŭ u zamienu damafona, a potym staŭ kurjeram machlaroŭ, paviedamlaje staličnaja milicyja.
U milicyju źviarnuŭsia 64‑hadovy minčuk, jaki paviedamiŭ pra machlarstva. Napiaredadni jamu patelefanavaŭ nieviadomy i pradstaviŭsia supracoŭnikam damafonnaj słužby. Pad padstavaj zamieny klučoŭ atrymaŭ asabistyja danyja.
Zatym ź im źviazaŭsia nibyta milicyjant, jaki pastaviŭ jaho pierad faktam: maŭlaŭ, asabistymi danymi piensijaniera zavałodali machlary i ad jaho imia ździajśniajuć niezakonnyja finansavyja apieracyi.
Mužčynu zapałochali kryminalnym pieraśledam, zapeŭniŭšy ŭ nieabchodnaści «dekłaravańnia hrašovych srodkaŭ». Pad hetaj padstavaj jon pieradaŭ nibyta kurjeru Nacbanka bolš za 210 tys.
Supracoŭniki adździeła kryminalnaha vyšuku zatrymali kurjera. Jak raspavioŭ namieśnik načalnika ŭpraŭleńnia kryminalnaha vyšuku HUUS Minharvykankama Vital Saroka, im akazaŭsia 20‑hadovy žychar Viciebskaj vobłaści, student.
«Raniej chłopiec sam staŭ achviaraj afierystaŭ pa takoj ža schiemie. Viadoma, što małady čałaviek śpiecyjalna pryjechaŭ u stalicu, kab vykanać zadańnie kuratara, i akramia zajaŭnika naviedaŭ jašče try adrasy, dzie zabraŭ 70 tysiač rubloŭ i pieradaŭ nieviadomamu», — dadaŭ jon.
Ciapier čytajuć
Jakija damoŭlenaści byli ŭ amierykancaŭ z Łukašenkam pa vyzvaleńni palitviaźniaŭ? Tłumačyć Viačorka8
Kamientary