У Беларусі ў хуткім часе з’явіцца новы айчынны брэнд пад назвай Zubr. Збіраць машыны будуць на заводзе «Юнісон», піша av.by.
Як адзначылі ў кампаніі, афіцыйны сайт навастворанай маркі павінен быў поўнасцю запрацаваць ужо 1 снежня. Пры гэтым перадзаказы на аўтамабілі прымаюцца.
Усяго заяўлена пяць мадэляў: Legenda (ад 59 900 руб., або прыблізна $20 600 у эквіваленце), Volat (ад 59 900 руб.), Talisman (ад 71 900 руб., або $24 720), Zorka (75 000 руб., або $25 800) і Relikt (ад 79 900 руб., або $27 500).
Характэрна, што на аўтамабілі адразу ж прапануюць прывабную крэдытную праграму тэрмінам да 10 гадоў са стаўкай усяго ад 1,9% гадавых. Як адзначаюць у кампаніі, з часам узровень лакалізацыі «Зуброў» будзе расці, яны стануць атрымліваць усё больш беларускіх камплектуючых.
Донарамі для «Зуброў» з’яўляюцца мадэлі маркі Forthing (яна ж Fengxing у КНР). Першы аўтамабіль брэнда Forthing («Фортынг») з’явіўся ў 2001 годзе. На сёння мадэльны шэраг кітайскай кампаніі ўключае кампактныя і сярэднепамерныя красоверы, мінівэны і MPV.
Адзначым, што з 2023‑га продажы аўтамабіляў гэтай маркі пачаліся ў Расіі, а з вясны 2024‑га некаторыя мадэлі пачалі збіраць на магутнасцях калінінградскага «Аўтатора».
Узятыя за аснову прататыпы мадэляў былі адаптаваныя да беларускага клімату з выкарыстаннем лакальнай вытворчасці на айчынным заводзе «Юнісон» (у Кітаі яны прадаюцца пад назвамі SX3, T5, T5L, T5 EVO і Hedmos).
На сайце маркі можна пазнаёміцца з падрабязнай інфармацыяй аб аснашчэнні машын. Першыя «жывыя» аўтамабілі павінны з’явіцца ў шоуруме дылера бліжэй да выходных.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары