Jakija śpiektakli nazvali najlepšymi ŭ Biełarusi? Padviali vyniki Nacyjanalnaj teatralnaj premii
Cyrymonija ŭznaharodžańnia pieramožcaŭ VIII Respublikanskaha konkursu teatralnaha mastactva «Nacyjanalnaja teatralnaja premija» adbyłasia ŭ Kupałaŭskim teatry, pišuć «Minsk-Naviny».
Žury i hledačy acanili 37 pastanovak ad teatraŭ ź Minska, Bresta, Viciebska, Homiela, Hrodna, Mahilova, Maładziečna, Babrujska.
Ministr kultury Rusłan Čarniecki padkreśliŭ, što padčas cyrymonii adznačajucca lepšyja ź lepšych, a jakaść zajaŭlenych śpiektaklaŭ stanovicca vyšejšaj.
— Nacyjanalnaja teatralnaja premija nabyvaje ŭsio bolšaje značeńnie nie tolki dla teatrałaŭ, prafiesijanałaŭ teatralnaj supolnaści, ale i dla hledačoŭ u tym liku, — zapeŭniŭ Čarniecki.
Pa rašeńni žury, najlepšym śpiektaklem dla dziaciej i junactva staŭ «Razumny sabačka Sonia» Biełaruskaha dziaržaŭnaha teatra lalek, najlepšym śpiektaklem teatra lalek — «Bach-bach-bach» Mahiloŭskaha abłasnoha teatra lalek.
Pieramahła ŭ naminacyi «Najlepšy śpiektakl teatra dramy dla vialikaj sceny» pastanoŭka Nacyjanalnaha akademičnaha dramatyčnaha teatra im. M. Horkaha «Faŭst. Ździełka z djabłam» pa matyvach trahiedyi Hiote.
Najlepšym śpiektaklem teatra dramy dla małoj sceny pryznany «Viežy Maładziečanskaha zamka» Minskaha abłasnoha dramatyčnaha teatra.
Najlepšym opiernym śpiektaklem staŭ «Jaŭhien Aniehin», a najlepšym śpiektaklem baleta — «Papiałuška» Vialikaha teatra Biełarusi.
U naminacyi «Najlepšy śpiektakl u žanry apiereta, muzyčnaja kamiedyja, miuzikł» pieramahła apiereta «Cudoŭnaja Alena» Biełaruskaha dziaržaŭnaha akademičnaha muzyčnaha teatra.
Śpiecyjalnuju premiju za ŭkład u raźvićcio teatralnaha mastactva Biełarusi atrymaŭ hałoŭny mastak Nacyjanalnaha akademičnaha teatra im. Ja. Kupały Barys Hierłavan.
Mastacki kiraŭnik Maładziožnaha teatra estrady Uładzisłava Arciukoŭskaja pieramahła ŭ naminacyi «Najlepšaja rabota dramaturha ŭ śpiektakli teatra dramy» za pastanoŭku «Biez terminu daŭniny».
Byli adznačany pracy pastanoŭščyka ŭ muzyčnym śpiektakli (Siarhiej Mikiel) i praca dyryžora ŭ muzyčnym śpiektakli (Maryna Traćciakova) za balet «Kupalle».
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary