Cichanoŭskaja ŭziała ŭdzieł u cyrymonii ŭručeńnia Nobieleŭskaj premii miru
Śviatłana Cichanoŭskaja ŭziała ŭdzieł u cyrymonii ŭručeńnia Nobieleŭskaj premii miru, jakaja prajšła siońnia ŭ Osła. Jaje zaprasiła Maryja Karyna Mačada — vieniesuelskaja apazicyjnaja lidarka, jakaja stała nobieleŭskaj łaŭreatkaj 2025 hoda.
«Ja siońnia ŭ Osła, na cyrymonii Nobieleŭskaj premii, jakuju atrymlivaje Maryja Karyna Mačada. Maryja Karyna śmieła i ŭparta zmahajecca z tyranijaj u Vieniesuele, i jak nichto inšy zasłuhoŭvaje hetaj uznaharody.
Jaje baraćba važnaja nie tolki dla Vieniesueły. Jana nahadvaje nam usim: supraciŭ dyktatury — heta ahulnaja, hłabalnaja zadača.
My ŭ Biełarusi prachodzim toj samy šlach — praz represii, strach i hvałt. I siońnia my zhadvajem Alesia Bialackaha, našaha Nobieleŭskaha łaŭreata, jaki zastajecca ŭ źniavoleńni. My praciahvajem zmahacca za jaho i za ŭsich biełaruskich palitviaźniaŭ.
Siońnia my adznačajem usich, chto nie zdajecca, chto praciahvaje baraćbu, chto vieryć u svabodu, demakratyju i mir. Ja vieru, što praŭda pieramoža. I Biełaruś, i Vieniesueła buduć svabodnyja», — zajaviła Śviatłana Cichanoŭskaja.
Maryja Karyna Mačada na cyrymoniju ŭručeńnia premii nie pryjechała praz pahrozy z boku vieniesuelskaha dyktatara Nikałasa Madura. Jaje na cyrymonii pradstaŭlała dačka.
Maryja Karyna Mačada nie pryjedzie na ŭručeńnie Nobieleŭskaj premii miru praz pahrozy z boku Nikałasa Madura
«Premija naležyć usim biełarusam, jakija praciahvajuć zmahacca». Cichanoŭskaja ŭznaharodžanaja niamieckaj premijaj, jakuju atrymlivaŭ Havieł
Ofis Cichanoŭskaj pierajazdžaje ŭ Polšču
Viačorka: Nijakaha rašeńnia pra pierajezd Cichanoŭskaj niama
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary