Pratasievič narakaje, što nie moža znajści pracu i zadumvajecca pra adjezd
Błohier Raman Pratasievič u svaim asabistym telehram-kanale znoŭ narakaje na žyćciovuju nieŭładkavanaść i nie vyklučaje, što heta moža skončycca navat źmienaj miesca žycharstva.
Pratasievič pryznajecca, što ŭžo tydzień znoŭ šukaje pracu, a znajści ničoha dobraha nie moža ni ŭ jakoj śfiery, bo, maŭlaŭ, «majo proźvišča i miedyjnaść u čarhovy raz zhulali zły žart».
«Niahledziačy na ŭsie maje sproby žyć zvyčajnaje spakojnaje žyćcio, sumlenna pracavać i nie adśviečvać, ničoha nie mianiajecca. Prytym, što da mianie ŭžo daŭno niama nijakich pytańniaŭ ad uładaŭ i siłavych struktur, patencyjnyja pracadaŭcy čakana bajacca roznych ryzyk», — śćviardžaje jon.
Finansavaja prablema miž tym padciskaje, i «pierśpiektyvy ŭnutry krainy, prama skažam, vielmi tak sabie», kanstatuje Pratasievič, nazyvajučy takuju situacyju «hrobanym paradoksam»: «Tamu što mnie padabajecca žyć u Minsku i Biełarusi, ale ja prosta nie mahu znajści choć niejkuju pracu, nie mahu spłanavać choć niejkaje raźvićcio ŭ budučyni».
«Tamu, pakłaŭšy ruku na serca, ja ŭpieršyniu pačynaju surjozna zadumvacca pra adjezd u jakija-niebudź dalokija krainy. Prosta kab u mianie była praca, mahčymaść nie ŭspaminać minułaje i choć niejak raźvivacca», — anansuje Pratasievič mahčymyja źmieny ŭ svaim žyćci.
Zusim niadaŭna paviedamlałasia, što Raman Pratasievič skončyŭ kursy barmienaŭ i ŭładkavaŭsia na pracu ŭ bar «Butlehier» u centry Minska. Ale, jak vyhladaje, niešta ŭ jaho tam nie zadałosia. Pierad tym jon taksama niepraciahły čas pracavaŭ u słužbie dastaŭki «Jandeks.Ježa», a jašče raniej — zvarščykam na Minskim elektratechničnym zavodzie imia Kazłova.
Raman Pratasievič: Ja ŭžo bolš za hod u razvodzie
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści
Pratasievič raskazaŭ, kolki zarablaje viełakurjer servisu «Jandeks.Ježa»
Pratasievič napisaŭ vieličny post pra «najciažejšuju dystrafiju» i «karaniapłod»
Pratasievič: U mianie niama nijakich pierśpiektyŭ, ja nikomu nie patrebien
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy11
Kamientary