Paśla taho jak baćku dziaciej adpravili ŭ lačebna-pracoŭny prafiłaktoryj, pačała vypivać ich maci. Žančyna nie pracavała, i štomiesiačny dachod siamji składaŭ kala 300 rubloŭ. Hetaj sumy nie chapała, kab utrymlivać piaciarych dziaciej, paviedamlaje Hienprakuratura.
Padčas čarhovaha naviedvańnia siamji supracoŭniki prakuratury ŭstanavili, što žančyna nie spyniła ŭžyvańnie ałkaholu i nie vykanała praduhledžanyja patrabavańni pa likvidacyi vyjaŭlenych prablem. Pa materyjalnuju dapamohu ŭ centr sacyjalnaha absłuhoŭvańnia nasielnictva jana nie źviartałasia. Akramia taho, žančyna nie naviedvała narkołaha i nie apłačvała žyllova-kamunalnyja pasłuhi.
«Na hlebie ŭžyvańnia śpirtnych napojaŭ u maci adbyŭsia kanflikt ź dziećmi, u vyniku jakoha ŭ ich prysutnaści jana ździejśniła parasuicyd (abo demanstratyŭnaja sproba suicydu biez namieru pamierci, abo naŭmysnaje pryčynieńnie škody arhanizmu biez namieru pamierci). U vyniku — pa pradpisańni prakurora Mahiloŭskaha rajona kamisija pa spravach niepaŭnaletnich pryniała rašeńnie ab pryznańni piaciarych dziaciej tymi, što majuć patrebu ŭ dziaržaŭnaj abaronie, ab ich vyniatku ź siamji i źmiaščeńni na dziaržaŭnaje zabieśpiačeńnie. Pravodzicca kompleks mierapryjemstvaŭ pa adnaŭleńni dziciača-baćkoŭskich adnosin», — paviedamlaje prakuratura.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary