«Na jakim rejsie jon čaściej za ŭsio?» U siecivie zavirusiŭsia pryhožy ściuard «Biełavii»
U kamientach źbirajucca šukać chłopca na rejsach.
Karystalnica sacsietki Threads apublikavała karotki rolik sa ściuardam, jaki pracuje na adnym z rejsaŭ «Biełavii». U videa ŭśmiešlivy małady čałaviek, apranuty ŭ formu ściuarda, nalivaje padčas rejsa napoj u kubačak i padaje jaho pasažyru. Chłopiec zaŭvažaje, što jaho zdymajuć, i radasna ŭskidvaje brovy.
U rolika ŭžo amal 4 tysiačy łajkaŭ i bolš za 100 kamientaroŭ. Dziaŭčaty nie chavajuć svajho zachapleńnia družalubnym ściuardam:
«Vielmi zachaciełasia kudyści źlatać».
«Usio, ciapier lotaju tolki «Biełavijaj».
«Patrabuju štomiesiačna premiju dla hetaha maładoha čałavieka! Dziakujučy jamu chočacca žyć na borcie».
«Na jakim rejsie jon čaściej za ŭsio?».
U kamientary pryjšoŭ i sam chłopiec. Zavuć jaho Siarhiej Varanovič. Chłopiec viadzie nievialički telehram-kanał pra svaju pracu, i, pavodle infarmacyi adtul, adpracavaŭ na svaim pieršym rejsie ŭ lipieni 2025 hoda. Z taho času jamu daviałosia, naprykład, razam z «Biełavijaj» naviedać Kitaj i Sankt-Pieciarburh, lotaŭ jon i na marskoje ŭźbiarežža.
Siarhiej taksama lubić biehać i navat udzielničaŭ u zabiehach na pierasiečanaj miascovaści.
«Naša Niva» — bastyjon biełaruščyny
PADTRYMAĆCiapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju6
Kamientary