U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
Byłuju palitźniavolenuju žurnalistku Łarysu Ščyrakovu vyvieźli z papraŭčaj kałonii za niekalki miesiacaŭ da zakančeńnia terminu, biez rašeńnia suda i bieź jaje zhody.
U AAN zarehistravali skarhu na prymusovuju departacyju ź Biełarusi vyzvalenaj pa pamiłavańni žurnalistki Łarysy Ščyrakovaj, napisaŭ u fejsbuku pravaabaronca Leanid Sudalenka.
«Zakanadaŭstva Biełarusi nie praduhledžvaje vydvareńnie svaich hramadzian. Nie było rašeńnia suda ab vyzvaleńni, jak i rašeńnia ab vydvareńni. Nie było prava na abskardžańnie. Faktyčna pazbaŭleńnie voli było spyniena praz prymusovaje vyhnańnie», — piša Sudalenka.
U Biełarusi ŭ Łarysy zastalisia pažyły baćka i syn. Padčas źniavoleńnia pamierła maci. Kłopat pra ŭnuka na siabie pryjšłosia brać 90‑hadovamu dziadulu.
Paśla vyvazu Łarysa atrymała ŭ Litvie humanitarnuju vizu na hod. Aficyjny zapyt ab pravavym statusie i pravie pra jaje viartańnie na radzimu biełaruskija orhany ihnarujuć.
24 lutaha ŭ Kamitecie AAN pa likvidacyi dyskryminacyi ŭ adnosinach da žančyn zarehistravali skarhu, u jakoj, pavodle słoŭ Sudalenki, było pastaŭlena pytańnie pra toje, ci moža dziaržava rasparadžacca losam svaich hramadzian jak pradmietam palityčnych damoŭlenaściaŭ i nazyvać vyhnańnie «vyzvaleńniem»?
«Bo kali prymusovaje vyhnańnie stanovicca miechanizmam — heta pahroza dla kožnaha», — napisaŭ pravaabaronca.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary