«Ja b nie navažyŭsia śćviardžać, što heta pravakacyja z boku Biełarusi, ale, kaniešnie, całkam vyklučyć heta my nikoli nie možam», — zajaviŭ daradca prezidenta Litvy.
Hałoŭny daradca prezidenta Litvy pa pytańniach nacyjanalnaj biaśpieki Dejvidas Matulonis zajaviŭ, što ŭ noč na paniadziełak u Litvu, vierahodna, zalacieŭ dron typu šachied ale pakul rana rabić niejkija kančatkovyja vysnovy, piša LRT.
«Vierahodna, heta byŭ šachied, mahčyma, i inšy typ (drona)», — skazaŭ D. Matulonis u aŭtorak u efiry radyjostancyi Žinių radijas.
«I rasijanie, i ŭkraincy vykarystoŭvajuć drony roznych typaŭ, tamu dakładna śćviardžać, adkul hety dron, adkul jon lacieŭ i kudy nakiroŭvaŭsia, my nie možam», — dadaŭ jon.
Dron, vierahodna, prylacieŭ ź Biełarusi, ranicaj u paniadziełak upaŭ u Varenskim rajonie — na voziery Łavisas. Abjekt pahrozy biaśpiecy žycharoŭ nie ŭjaŭlaŭ.
Na miescy zdareńnia byli vidać askiepki, znojdzieny ŭnutrany ruchavik. Na raspaŭsiudžanych u sacyjalnych sietkach videazapisach vidać i čuvać, jak dron, jaki ŭpaŭ, vybuchnuŭ, a śviedki, jakija byli pobač, taksama śćviardžali, što čuli vybuch. Pavodle słoŭ D. Matulonisa, nieabchodna vyśvietlić, ci trapiŭ hety abjekt na terytoryju Litvy vypadkova, źbiŭšysia z kursu, ci heta była śviadomaja pravakacyja.
«Ja b nie navažyŭsia śćviardžać, što heta pravakacyja z boku Biełarusi, ale, kaniešnie, całkam vyklučyć heta my nikoli nie možam», — zajaviŭ daradca prezidenta.
Pavodle jaho słoŭ, biełaruski bok nie papiaredziŭ Litvu pra abjekt, jaki nabližaŭsia.
Ab zdareńni — kali ŭ noč na paniadziełak u Varenskim rajonie kala voziera Łavisas, vierahodna, dron pierasiok dziaržaŭnuju miažu, a zatym vybuchnuŭ i ŭpaŭ — chutčej za ŭsio, u aŭtorak budzie paviedamlena sajuźnikam pa NATO, paviedamiŭ hałoŭny daradca prezidenta Litvy.
«Nie mahu paćvierdzić, ci ŭžo my infarmavali. Vierahodna, siońnia my infarmujem našych sajuźnikaŭ pa NATO. Dapamohi, viadoma, možna paprasić, ale ŭ ahulnym my viedajem, što rabić, bo heta nie źjaŭlajecca niečakanaściu. My na pravilnym šlachu i treba tolki realizavać toje, što ŭžo zapłanavana. Biudžet praduhledžany, srodki pastupova buduć vydzialacca, i my budziem ruchacca da bolš efiektyŭnaj sistemy supraćpavietranaj abarony — nie tolki na vialikaj vyšyni, ale i na małoj», — skazaŭ D. Matulonis. Abjekt, jaki pierasiok pavietranuju prastoru Litvy, nie byŭ zafiksavany radarami armii.
D. Matulonis vykazaŭ zdahadku, što heta mahło adbycca z-za taho, što abjekt lacieŭ na małoj vyšyni.
«My zaŭsiody bačyli, što naša achilesava piata i prablemy isnujuć mienavita na małoj vyšyni», — adznačyŭ jon.
U minułym hodzie ŭ Litvu dvojčy zalacieli rasijskija drony «Hierbiera», adzin ź jakich byŭ z vybuchoŭkaj. Ułady ŭstanavili, što hetyja drony byli nakiravany ŭ Ukrainu, ale akazalisia ŭ Litvie vypadkova paśla taho, jak ukrainskija srodki radyjoelektronnaj baraćby parušyli ich kurs palotu.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Krašto apsaugos ministras Robertas Kaunas teigia, kad Varėnos rajone sudužęs ir sprogęs dronas, tikėtina, buvo ukrainietiškas ir galėjo pasiklysti dėl radijo kovos priemonių poveikio.