«Lubimaja hazieta Pucina» apublikavała «intervju z ducham Žyrynoŭskaha»
Adzin z samych tyražnych rasijskich tabłoidaŭ «Komsomolskaja pravda», jakuju čytaje i nazyvaje «lubimym» vydańniem Uładzimir Pucin, apublikavała paśmiarotnaje «intervju z Uładzimiram Žyrynoŭskim». Jaho spytali, kali skončycca «SVA», piša «Ahientstvo».
Dla stasunkaŭ z ducham palityka hazieta pryciahnuła ekstrasensaŭ Hannu Piačujevu i Hannu Iljinu.
Dla praviadzieńnia sieansa śpirytyzmu dla natatki z płaškaj «Ekskluziŭ» ekstrasensy spalili ŭ redakcyi haziety kupiuru ŭ sto rasijskich rubloŭ (3,5 biełaruskaha rubla).
Paśla hetaha miedyum paviedamiła, što Žyrynoŭski «pryjšoŭ» i skazaŭ, što ŭ «Komsomolskoj pravdy» ŭsio «budzie dobra».
Zhodna z publikacyjaj, duch Žyrynoŭskaha pradkazaŭ chutkaje zaviaršeńnie vajny va Ukrainie: «U hetym hodzie, uvosień, siaduć i damoviacca. Ale stralać tam buduć jašče doŭha, uvieś 2027 dakładna, začystki buduć».
Taksama palityk, jak havorycca ŭ materyjale, vykazaŭ škadavańnie, što jaho «niama», bo jon «taksama chacieŭ paŭdzielničać».
«Try Vovy, kaža, było napačatku. A zastaniecca ŭ vyniku adzin, — cytuje hazieta Piačujevu. — Mabyć, Pucin, jon i Zialenski, — rasšyfroŭvaje pasłańni z taho śvietu miedyum. — I kaža, što Zialenski taksama sydzie. Nu, pamre». Ukrainu, pavodle słoŭ «Žyrynoŭskaha», «padzielać jak piroh», ZŠA raspaducca na niezaležnyja dziaržavy, a na Donalda Trampa budzie ździejśnieny zamach.
«Spadziajemsia, amierykanski prezident pračytaje «Komsomołku» i budzie aściarožny», — kamientuje hazieta.
Taksama duch Žyrynoŭskaha, jak pierakazvaje hazieta, paraiŭ rasijanam sadzić bulbu i pradkazaŭ niaŭstojlivuju ekanamičnuju situacyju ŭ krainie.
Spytała hazieta «Žyrynoŭskaha» i pra vajnu na Blizkim Uschodzie. Duch adkazaŭ, što tam situacyja «moža dajści i da jadziernaj zbroi», Izrail «mohuć naohuł ścierci z tvaru Ziamli», a ŭ Rasiju «pabiažyć kuča biežancaŭ ź Blizkaha Uschodu».
Uładzimir Žyrynoŭski pamior 6 krasavika 2022 hoda. ŁDPR, jakuju jon uznačalvaŭ, da hetaha času vykarystoŭvaje jaho vobraz u pijary. U sacsietkach, asabliva aktyŭna ŭ praŭładnych akaŭntach, chodzić niamała archiŭnych videa z palitykam, jakija ŭ pastach nazyvajucca praročymi.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra7
Kamientary
Komsomołka...
naviny z varjackaj chaty (uzki mir)