Хакеіст мінскага «Дынама» Віталь Пінчук пайшоў гуляць у НХЛ. Лукашэнка спадзяваўся, што ён не «збяжыць»
24‑гадовы беларускі хакеіст Віталь Пінчук пераходзіць з мінскага «Дынама» ў клуб НХЛ «Нэшвіл Прэдатарз». Пра гэта паведаміла прэс-служба каманды.
Сам спартсмен раней развітаўся з мінскім «Дынама» і падзякаваў кіраўніцтву, трэнерам і заўзятарам клуба, запэўніўшы, што «Мінск для мяне назаўсёды застанецца асаблівым месцам». Ён адзначыў, што шэсць гадоў у «Дынама» сталі для яго важным этапам жыцця, падчас якога ён вырас як гулец і як чалавек.
Пінчук выказаў удзячнасць кіраўніцтву клуба за стварэнне ўмоў для развіцця гульцоў і высокі прафесійны ўзровень арганізацыі. Асаблівай падзякі ўдастоіўся былы кіраўнік хакейнай федэрацыі, а цяпер сенатар Дзмітрый Баскаў, бо менавіта ён, па словах Пінчука, у свой час паверыў у яго і даў магчымасць праявіць сябе на высокім узроўні.
Цікава, што яшчэ ў пачатку красавіка Аляксандр Лукашэнка, наведваючы трэніроўку хакейнага «Дынама» перад ягонай няўдалай серыяй з казанскім «Ак Барсам» у чвэрцьфінале Кубка Гагарына і звяртаючыся да амерыканскага легіянера Сэма Энаса, намаўляў яго заставацца ў «Дынама» далей, гуляючы разам з Пінчуком:
«Сэм, 5 гадоў ты яшчэ павінен адыграць у Мінску. Разам з Пінчуком. Бо ён збяжыць, калі ты паедзеш куды-небудзь».
Але выглядае, што беларус Пінчук наважыўся на «ўцёкі» ў Амерыку незалежна ад рашэння амерыканца.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары