MZS Ukrainy: Biełaruś robicca saŭdzielnicaj rasijskaha jadziernaha šantažu
Ministerstva zamiežnych spraŭ Ukrainy rezka raskrytykavała sumiesnyja jadziernyja vučeńni Biełarusi i Rasii, a taksama raźmiaščeńnie rasijskaj taktyčnaj jadziernaj zbroi na biełaruskaj terytoryi.
Ukrainski bok ličyć, što takija dziejańni źjaŭlajucca surjoznaj pahrozaj dla hłabalnaj biaśpieki. Asabliva padkreślivajecca, što adpracoŭka jadziernych udaraŭ parušaje asnoŭnyja pryncypy mižnarodnych damoŭlenaściaŭ ab nieraspaŭsiudžvańni jadziernaj zbroi. Pavodle hetych pravił krainy, jakija vałodajuć jadziernaj zbrojaj, nie pavinny pieradavać kantrol nad joj inšym dziaržavam, a tyja, chto jaje nie maje, nie pavinny jaje prymać.
Taksama zajaŭlajecca, što takija dziejańni faktyčna robiać Biełaruś płacdarmam dla jadziernaj prysutnaści Rasii kala miežaŭ NATA i stvarajuć niebiaśpiečny prykład dla inšych krain.
«Militaryzacyja Biełarusi nie tolki padryvaje davier da mižnarodnaha prava, ale i kančatkova pieratvaraje Minsk u saŭdzielnika rasijskaha jadziernaha šantažu», — padkreślivaje MZS Ukrainy.
U zajavie padkreślivajecca, što mižnarodnaja supolnaść pavinna ćviorda adreahavać na situacyju. Siarod mahčymych mier nazyvajucca ŭzmacnieńnie sankcyj suprać Rasii i Biełarusi, pavieličeńnie padtrymki Ukrainy, a taksama ŭmacavańnie prysutnaści krain-sajuźnic na ŭschodnich miežach NATA.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki4
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary