«Arsienał» upieršyniu z 2004 hoda staŭ čempijonam anhlijskaj premjer-lihi
Zdaryłasia heta za tur da finišu, dapamahła ničyja 1:1 u matčy «Mančester Sici» z «Bornmutam».
Kłub z Mančestera straciŭ šancy dahnać łondancaŭ, adryŭ pamiž kamandami składaje čatyry bały.
Da hetaha «Arsienał» pad kiraŭnictvam try hady zapar finišavaŭ druhim u Premjer-lizie, dvojčy prapuściŭšy napierad «Mančester Sici», a ŭ minułym siezonie — «Livierpul».
U historyi čempijanatu Anhlii pa futbole, pieršy siezon jakoha byŭ razyhrany ŭ 1888‑1889 hadach «Arsienał» pa kolkaści tytułaŭ zajmaje treci radok, u jaho 14 čempijonstvaŭ. U «Mančester Junajted» i «Livierpula» pa 20, u «Mančester Sici» — 10, «Eviertana» — 9.
Ale apošni raz «Arsienał» pieramahaŭ u siezonie 2003/2004, kali kamanda pad kiraŭnictvam Arsiena Vienhiera prajšła ŭvieś čempijanat biez adzinaj parazy.
U hetyja vychodnyja zakančvajucca futbolnyja čempijanaty ŭ krainach, dzie jany razyhryvajucca pa sistemie vosień—viasna.
Siońnia projdzie finał Lihi Jeŭropy «Astan Viła» — «Frajburh», u nastupnuju sieradu — finał Lihi kanfierencyj «Krystał Pełas» — «Raja Valjekana». A «Arsienał» zhulaje ŭ subotu 30 maja z PSŽ u finale futbolnaj Lihi čempijonaŭ.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary