На Мінскім моры плануюць адкрыць новую зону адпачынку — арт-парк «Порт», які размесціцца побач з санаторыем «Прыморскі». У тэставым рэжыме ён пачне працаваць з 5 чэрвеня, а афіцыйнае адкрыццё запланавана на 12—14 чэрвеня, піша Office Life.
Гэта будзе закрытая тэрыторыя з рознымі зонамі для адпачынку: вялікімі лаўнж-прасторамі, дзіцячымі і спартыўнымі пляцоўкамі, фотазонамі і арт-аб’ектамі. Таксама там абяцаюць пляж і нават кінапаказы.
Для наведвальнікаў плануецца пракат шэзлонгаў, парасонаў, ровараў, сапбордаў, катамаранаў, лодак і яхтаў. Можна будзе арандаваць альтанкі або спартыўныя пляцоўкі, а таксама карыстацца крытым басейнам.
Асобна адзначаецца фудкорт, які яшчэ фарміруецца, але ўжо вядома, што там будуць працаваць розныя стрытфуд-праекты, сярод іх «Ружовая Пантэра», Bulba Frites, WOW Waffles, Comida Mexicana, Thai Point і іншыя.
Каментары