Čarnahoryja moža ŭžo vosieńniu ŭvieści vizavy režym dla hramadzian Biełarusi i Rasii ŭ miežach pastupovaha pryviadzieńnia svajoj vizavaj palityki ŭ adpaviednaść z patrabavańniami Jeŭrapiejskaha sajuza. Pra heta paviedamlaje miascovaje vydańnie Dan sa spasyłkaj na ŭłasnyja krynicy.
Čarnahoryja ŭ pracesie padrychtoŭki da ŭstupleńnia ŭ ES uziała na siabie abaviazacielstva da kanca 2027 hoda pryvieści svaje praviły ŭjezdu ŭ adpaviednaść ź jeŭrapiejskimi normami. Heta aznačaje, što krainie daviadziecca skasavać biaźvizavyja pahadnieńni ź dziaržavami, hramadzianam jakich dla ŭjezdu ŭ ES nieabchodnyja vizy.
Pavodle infarmacyi vydańnia, urad Čarnahoryi moža ŭ najbližejšy čas pryniać rašeńnie ab uviadzieńni viz dla hramadzian Biełarusi i Rasii. Čakajecca, što novyja praviły mohuć pačać dziejničać z 1 kastryčnika.
Na nastupnym etapie harmanizacyi ź vizavaj palitykaj ES mohuć źjavicca vizavyja patrabavańni dla hramadzian Turcyi, a paźniej — dla hramadzian Kitaja, Abjadnanych Arabskich Emirataŭ, Katara, Bachrejna i inšych krain.
Ciapier hramadzianie Biełarusi, Rasii, Turcyi, Saudaŭskaj Aravii i šerahu inšych dziaržaŭ mohuć naviedvać Čarnahoryju bieź vizy terminam da 30 dzion pry najaŭnaści dziejnaha pašparta.
Poŭnaje pryviadzieńnie vizavaj palityki Čarnahoryi da standartaŭ Jeŭrapiejskaha sajuza pavinna adbycca paśla ŭstupleńnia krainy ŭ ES.
14 lipienia na 28‑m pasiadžeńni kanfierencyi pa dałučeńni Čarnahoryi da Jeŭrasajuza byli papiarednie zavieršanyja pieramovy pa dvuch raździełach — kankurentnaj palitycy i mytnym sajuzie.
Raniej staršynia Jeŭrapiejskaj kamisii Ursuła fon der Lajen zajaviła, što ŭstupleńnie Čarnahoryi ŭ Jeŭrapiejski sajuz moža stać realnym u 2028 hodzie.
Biełarus raskazaŭ, čamu vučyŭsia ŭ Čarnahoryi: U Varšavie zdałasia niespakojnaj situacyja z šavinizmam
Jakija jeŭrapiejskija krainy najbolš zapatrabavanyja biełarusami dla adpačynku
Jeŭrakamisarka ŭ spravie pašyreńnia: Pierad ustupleńniem u Jeŭrasajuz krainy-kandydatki musiać zrabić hieapalityčny vybar
Ciapier čytajuć
U stalicy zdajecca studyja płoščaj 15 mietraŭ. A što, užo i takija byvajuć?1
U stalicy zdajecca studyja płoščaj 15 mietraŭ. A što, užo i takija byvajuć?
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary