У цэнтры Мінска прадаецца кватэра-музей. Там антыкварная мэбля і вялікія пакоі
Выставілі на продаж прасторную чатырохпакаёвую кватэру ў сталінцы на вуліцы Валадарскага ў цэнтры Мінска, піша Realt.by. У аб'яве гэтае жыллё называюць кватэрай-музеем, і гэтаму ёсць абгрунтаванне. Па-першае, прастора — амаль 100 квадратаў плошчы пры трохметровых столях. А па-другое, дэталі. Тут антыкварная мэбля і дэкор, у якім захоўваецца гісторыя.
Дом — чатырохпавярховая сталінка на Валадарскага, 18, пабудаваная з чырвонай паўнацелай цэглы ў 1953 годзе. Калі вы з Мінска, то напэўна калі-небудзь шпацыравалі побач з гэтым домам. У доме закрыты зялёны двор з паркоўкай толькі для жыхароў і без скразнога трафіку. У пад'ездзе ўсяго 6 кватэр — па дзве на паверсе.
Калі стаяць тварам да дома, справа будзе крама «Глобус». Ідучы ўніз па вуліцы, праз некалькі дамоў будзе вуліца Кірава і стадыён «Дынама», а праз пару дамоў уверх — праспект Незалежнасці.
Кватэра, выстаўленая на продаж, знаходзіцца на перадапошнім паверсе — трэці з чатырох, а калі лічыць жылыя, то атрымліваецца другі. На першым паверсе ў доме камерцыйныя памяшканні.
Агульная плошча гэтай кватэры — 96 квадратных метраў. На жылы метраж прыпадае 66 квадратаў. Плошча пакояў ад 14 да 20 квадратаў і кухня — 14 квадратных метраў. Калідор таксама немаленькі — 11 квадратаў. Вось планіроўка.
Прадавец кажа, што кожная дэталь тут мае сваю гісторыю. Напрыклад, у гасцёўні стаіць вінтажны падлогавы таршэр у стылі Галівуд Рэджэнсі. Яго стойка і аснова выкананыя з натуральнага оніксу пяшчотна-зялёнага адцення з выразным прыродным малюнкам вен. Металічныя дэталі — мастацкая латунь з пацінай.
У гасцёўні ёсць выхад на адкрыты балкон з відам на вуліцу Валадарскага.
З антыкварнай мэблі ў іншых пакоях — кансольны столік з Францыі з мармуровай стальніцай зялёнага адцення і разным дубовым падстоллем ручной працы. У спальні — парны камплект прыложкавых тумбаў і люстэрка ў стылі ампір часоў Напалеона I.
Таксама вінтажныя латунныя сервіровачныя столікі канца XIX стагоддзя з ажурнымі борцікамі. Акрамя таго, класічныя крэслы і фатэлі з масіву дуба ў стылі ампір з бронзавымі наканечнікамі ў выглядзе львіных лап і абіўкай з цёмнага аксаміту.
На кухні з тэхнікі ёсць духавая шафа, газавая варачная панэль, выцяжка, халадзільнік і мікрахвалевая печка.
У сумешчаным санвузле ўстаноўленая ванна і падключаная пральная машына.
Каштуе такая кватэра 1 019 661 рубель. Квадрат выходзіць 10 666 рублёў.
Альбо, калі пераводзіць у замежную валюту — 337 тысяч даляраў і 3 525 даляраў за квадрат па курсе НБ РБ на 29 верасня 2026 года.
«З вадой ляцела каменне. Усе падлогі затапіла». Як выглядае кватэра на Жукоўскага, у якой вадой выбіла вокны ВІДЭА
У «Мінск-Свеце» здаецца ў арэнду кватэра з ваннай пасярод пакоя
Цэны на кватэры ў «Мінск-Свеце» падаюць, а ў Мінску — растуць. Сумныя перспектывы для раёна?
У Брэсце прадаюць маленечкую аднапакаёўку, дзе пасля застануцца жыць маці і дачка. У чым прыкол?
Каментары