Karcina Vinčenca Natali, spradusavanaja Hiljermam del Tora — žachaŭka na tradycyjnuju temu niebiaśpiečnych navukovych ekśpierymientaŭ.
Kanada — Francyja — ZŠA, 2010, kalarovy, 104 chv.
Režysior: Vinčenca Natali
Roli vykonvajuć: Edryjen Brodzi, Sara Poli, Delfin Šaneak, Ebihejł Ču, Devid Hjulet
Žanr: Film žachaŭ
Adznaka: 5 (z 10)
Dvoje navukoŭcaŭ, Elza i Kłajv, jakija bajacca zavodzić dziaciej, vyrašajuć stvaryć chimieru z čałaviečymi hienami. Nieŭzabavie hieroi pryviazvajucca da istoty, jak da svajho tak i nie narodžanaha dzicionka. A vychavanka raście — i prajaŭlaje svoj hadki noraŭ…
Karcina Vinčenca Natali, spradusavanaja Hiljermam del Tora — žachaŭka na tradycyjnuju temu niebiaśpiečnych navukovych ekśpierymientaŭ. Pačatak im pakłaŭ doktar Frankienštejn. Asučaśnienyja hienetyčnyja ekśpierymienty byli praciahnutyja ŭ nie takoj daŭniaj «Istocie».
«Chimiera» naśleduje henuju vuściš, ale pierastaŭlaje akcenty.
Kali ŭ starych kašmarach hałoŭnyja pakaści rabilisia «kulhavymi źviazam» doktara z pamahatym, to tut takaja «kulhavaja» adrazu siamja.Kali raniej hieroj vyratoŭvaŭ ad pačvary niaviestu, to tut sama niaviesta — pačvara. I Kłajv, i Elza — skalečanyja ŭłasnaj pychaj i «kašmarnym» baćkoŭstvam. Ale dla ich heta jašče nie ŭsia vuściš.
Režysior, jaki kaliści pastaviŭ «Kub», viartaje istocie kananičnyja djabalskija rysy, šakuje hledačoŭ čužałožnymi scenkami.
Ale «Chimiera», jakoj pasuje miesca na zborkach žanravaha kino, zanadta «siamiejnaja» dla prostaha choraru — i zanadta niepryjemnaja dla psichałahičnaha filmu.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary