Rubia pra rasijskija papiaredžańni: Vyrašać, ci biaśpiečna našym dypłamatam znachodzicca ŭ Kijevie, my budziem sami
Dziaržsakratar ZŠA Marka Rubia, kamientujučy zaklik Rasii da zamiežnych dypłamataŭ pakinuć Kijeŭ, zajaviŭ, što ZŠA aceńvajuć biaśpieku svajoj dypłamatyčnaj misii va ŭkrainskaj stalicy samastojna. Na hety momant amierykanskaja ambasada ŭ Kijevie praciahvaje pracavać, paviedamlaje «Jeŭrapiejskaja praŭda».
Rubia adznačyŭ, što Rasija ŭžo niekalki miesiacaŭ papiaredžvaje zamiežnych dypłamataŭ pra nieabchodnaść pakinuć Kijeŭ. Pavodle jaho słoŭ, dla ZŠA nie źjaŭlajecca niečakanaściu toje, što ŭkrainskaja stalica padviarhajecca atakam.
«Pasłuchajcie, u nas tam jość ambasada, i my sami budziem vyrašać, ci biaśpiečna im tam znachodzicca, ci nie… Jany ŭžo niekalki miesiacaŭ papiaredžvajuć dypłamataŭ, kab tyja vyjazdžali, i ja nie dumaju, što dla kahości źjaŭlajecca niečakanaściu taho, što Kijeŭ zaznaje ataki. Dumaju, heta usim dobra zrazumieła», — skazaŭ Rubia.
Dziaržsakratar ZŠA padkreśliŭ, što amierykanski Dziarždepartamient štodnia analizuje situacyju ź biaśpiekaj kožnaj dypłamatyčnaj misii ZŠA ŭ śviecie. Kali ŭźnikaje pahroza, jakaja, na dumku amierykanskaha boku, patrabuje źmieny stanovišča, ZŠA prymajuć adpaviednyja miery. Adnak u vypadku z ambasadaj u Kijevie takoha rašeńnia pakul nie prymali.
Raniej Ministerstva zamiežnych spraŭ Rasii zaklikała zamiežnych hramadzian, u tym liku supracoŭnikaŭ dypłamatyčnych misij, pakinuć Kijeŭ i pryhraziła novymi masiravanymi ŭdarami pa ŭkrainskaj stalicy.
Pasoł Jeŭrapiejskaha sajuza va Ukrainie Kataryna Maternava zajaviła, što ŭsie ambasady krain ES praciahvajuć pracavać u Kijevie, niahledziačy na rasijskija pahrozy. Anałahičnuju pazicyju vykazała Ministerstva zamiežnych spraŭ Polščy.
Raniej na rasijskija pahrozy adreahavała i Jeŭrapiejskaja kamisija. Tam zajavili, što Jeŭrapiejski sajuz praciahnie padtrymlivać Ukrainu i nadalej uzmacniać cisk na Rasiju.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary