Karol žachaŭ rekłamuje stužku «Upuści mianie. Saha» jak adzin z sama strašnych filmaŭ apošnich hadoŭ. Ale karcina cikavaja nastalhijaj pa Ronaldu Rejhanu, niečakanymi debiutami i viartańniem lehiendarnaj studyi «Chamer»
Upuści mianie. Saha (Let Me In)
ZŠA — Vialikabrytanija, 2010, kalarovy, 116 chv.
Režysior: Met Ryŭz
Roli vykonvajuć: Kodzi Śmit-Merfi, Chłoja Morec, Ryčard Dženkins, Kara Buona, Elias Kateas
Žanr: Vampirskaja drama
Adznaka: 6 (z 10)
Dvanaccacihadovamu Oŭenu, jakoha bjuć adnakłaśniki, padabajecca susiedskaja dziaŭčynka. Ebbi taksama daspadoby Oŭen. Tolki cichaja susiedka — vampirka j charčujecca čałaviečaj kryvioj…
Karcina Meta Ryŭza — paŭtornaja ekranizacyja miełanchaličnaha ramanu Džon Ajvida Linkvista.Pieršaja pastanoŭka, zroblenaja ŭsiaho dva hady tamu, Tomasam Alfredsanam — sabrała zasłužanyja paŭsotni ŭznaharodaŭ na mižnarodnych festach. Zuchavatyja amierykancy nie mahli prapuścić taki łasy kavałak — dyj zrabili svaju viersiju padletkava-akultnych padziej. A rasiejskija prakatčyki dadali padzahałovak «Saha», šče j spadziejučysia na prychilnaść zaŭziatarak ślaźlivych vampirskich chronik.
Film Meta Ryŭza nie taki vytančany, jak paetyčnaja prypavieść Tomasa Alfredsana. U stužcy bolej kryvi j kašmaraŭ, dziciačy tvar čaściej źmianiajecca demaničnym vyskałam i nutranym vojem u styli «Ekzorcyst».
Karol žachaŭ Styvien Kinh rekłamuje karcinu, jak adzin z sama strašnych filmaŭ apošnich hadoŭ.
Ale amierykanskija i jeŭrapiejskija strachi — roznyja.
Šviedski kašmar, pieraniesieny na amierykanskuju hlebu, cikavy niečakanymi debiutami dyj siensacyjnym viartańniem. Aŭtar «Monstra» Met Ryŭz i junaja «vampirka» Chłoja Morec — siarod novieńkich.
Niečakanaja nastalhija ŭ kadry — prezident Ronald Rejhan.Ale samaje nievierahodnaje — z hetaj karcinaj u vialiki biznes viartajecca lehiendarnaja studyja «Chamer», prasłaŭlenaja šmatlikimi «Mumijami» i «Drakułami». Vampiry, jak viadoma, nie pamirajuć.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami15
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1616
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju16
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary