U Biełarusi abmiežavany dostup da sajtaŭ «Chartyja-97» i «Biełaruski partyzan»
Dostup da hetych sajtaŭ budzie abmiežavany ź dziaržaŭnych ustanovaŭ, a taksama va ŭniviersitetach.
Dziaržaŭnaja inśpiekcyja pa elektrasuviazi ŭniesła sajty Charter97.org i Belaruspartisan.org u śpis abmiežavanaha dostupu. Zaraz da ich nie budzie pramoha dostupu ź dziaržaŭnych ustanovaŭ.
Hienprakuratura 23 sakavika 2011 hoda vyniesła pastanovy ab abmiežavańni dostupu da niezaležnych navinavych sajtaŭ «Chartyja'97» i «Biełaruski partyzan». Padstavaj dla błakavańnia niepažadanych sajtaŭ vystaŭlajuć Zakon Respubliki Biełaruś «Ab masavych mierapryjemstvach u Respublicy Biełaruś».
Na dumku prakuratury, hetyja sajty parušyli častku 2 artykuła 8 «Da atrymańnia dazvołu na praviadzieńnie masavaha mierapryjemstva jaho arhanizatar (arhanizatary), a taksama inšyja asoby nie majuć prava abviaščać u srodkach masavaj infarmacyi ab dacie, miescy i času jaho praviadzieńnia, vyrablać i raspaŭsiudžvać z hetaj metaj ŭlotki, płakaty i inšyja materyjały». Mahčyma, havorka idzie ab abviestkach pra Płošču i Dzień Voli.
Z 7 krasavika bolšaść biełaruskichinternet-pravajderaŭ atrymali abnoŭleny śpis abmiežavanaha dostupu i abaviazany ŭ adpaviednaści z ukazam № 60 zabłakavać dostup da hetych sajtaŭ dla dziaržaŭnych orhanaŭ i arhanizacyj, a taksama arhanizacyj adukacyi i kultury.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie6
Kamientary